《單戀的故事》: Ch.13

被他寵得如公主般的我，每天都能夠以幸福美滿來形容，我不再糾結在個人的擔憂想法，此時此刻，我只想享受當下擁有的一切。

今天，我們終於步入三個月的拍拖月份。
Harry亦識趣地於一星期前約定我當晚於海旁見面。

看來，大家都感情能夠慢慢步向穩定發展的狀態。

為了慶祝紀念日，我刻意訂座中環的西餐廳慶賀，務求讓他留有深刻印象。

希望......他亦有給予我驚喜！





「做咩咁早約我出嚟？唔係話夜晚見？」他一臉茫然。

難道是為驚喜作鋪路？
那麼我也扮作若無其事。

「咁今晚都要食飯，就順便一齊食，想見你多啲嘛。」

怎料，甫踏入餐廳，他對價錢露出不解的表情。





「咩話？咁都收300幾？普通食餐飯咪得囉，點解要特登走過嚟食喎。」雖然食物質素高，然而，他卻不斷抱怨。

「唉，你唔好學埋啲港女啦，食嘢係為飽肚而唔係為影相打卡㗎。」

「你睇下，呢舊和牛，細過我隻手掌啊！點夠食啊。」

「我都唔明點解你哋咁鐘意食西餐。」

以上三番說話，他持續重複十多次，食材有多好又如何？他的批評都使我食慾不佳，也許，Harry想製造巨大的反差感吧。





所以，即使我保持沈默，不作出任何回應，可是，他亦不為所動。

天色漸漸昏暗，他一聲不吭地支付全額，前往海旁期間，也只顧著自己而沒有牽著我，不知不覺間，他把我帶領到附近一帶的椅子相坐。

我小心仔細觀察附近人群，他們都不像是有所行動，或是突然送贈我鮮花。

「呃，你望緊咩？」他打破僵局。

「我諗緊點解你今日咁冷淡。」我直接說出心底話。

「對唔住，我唔配做你男朋友，我哋分手啦。」他的眼神認真堅定，絕無半點猶豫。

「你有冇鐘意過我？」出乎意料之外地，我並無預想中的太大心情起伏。

「我......」