《單戀的故事》: Ch.5

八年前的我，視愛情為玩物。
我所追求的只是愛情的快感，
一生一世？才不會！

逢場作戲，也許是我對愛情價值觀的最佳形容詞。

那日的深宵時份，正當我有意前途蘭桂坊打發時間，我乍見一位躲在黑暗牆角，小聲地涰泣的人。

老實說，這些電影情節看多了，相反，我從不於現實世界碰見這種人，都已經長大成人，還不能控制自己的情緒嗎？





然而，作為一位有風度翩翩的男士，我也會主動上前關心她的狀況。

「小姐，你無事嘛？失戀好小事姐，唔好睇唔開啦，而加好夜㗎啦，快啲翻屋企休息啦，你自己一個人好易被啲變態睇上眼㗎。」我善意提點，並且向她遞上紙布。

她仰起頭凝視我雙眸，一副楚楚可憐的樣子，五官端正，散發鄰家女孩的氣質，閱女無數的我，對她的評價為中上，啊啊啊我到底在想甚麼？

「你走啦，我有男朋友㗎，我識照顧自己，多謝你關心。」她依舊滿面淚痕，而且沒有離開的意圖。

我好奇地坐在她的傍邊問道：「如果唔係失戀咁做咩有屋企又唔翻，自己一個坐係度喊喎？





嗱，愛情嘅嘢，睇開啲就得㗎啦，等我教你幾招啦，就好似我咁，當愛情係一場遊戲，每次拍3個月就夠㗎啦，之後再揾下一個，包你唔會傷心之餘又可以享受到愛情嘅愉悅！」

我沾沾自喜，相信她必定會認同我的看法。

怎料，她一開口便以賤人的稱謂去反駁我。

「賤人！地球就係因為有你哋呢班專門玩人感情嘅垃圾所以搞到污煙漳氣！玩玩玩，好好玩咩？你有冇諗過人哋會傷心？感情唔係你哋玩得起嘅玩具，利用人哋嘅真心真意去換取自己一剎那嘅快樂。

但佢哋呢？佢哋要每晚幾多次以淚洗面；幾多次被人背叛；受幾多次痛苦，要用幾多時間適應，先可以走出陰影？





你哋一句玩，一句唔想負責任就大曬？呢啲只係令你哋良心過得好啲嘅藉口嚟咋！」像是用盡了生命的最後一口氣，她良久沉默不語。

「我同佢哋唔同......我每次都係要求佢哋最多同我拍拖三個月，三個月後就各不相干，各散東西。如果佢哋唔願意嘅話，我係唔會同佢哋開始。」

「你敢講你唔係玩緊佢哋感情？」她咬牙切齒地反問，對我的回應毫不信任。

「我鐘意佢哋，每一個都係，嗰三個月嘅相處，我係真心誠意咁以男朋友身分對待佢哋。

只係對我嚟講......鐘意同愛，係兩碼子嘅事。」