[新手]異戰: 4.前夕

「各位,非常慶祝我軍增添一名猛將,歡迎！」司令好開心咁講。

「係你？」鬼影叫咗一聲。

「軍官你好！各位,我叫藍平,今日起成為大家既同伴,希望各位可以多多包涵。」說完,各人竊竊私語,大概討論藍平以及鬼影上次失手既事。

「各位,人,我介紹完,天龍鎮一事如何？」司令似乎好緊張天龍鎮。然而,當時無人能估計到天龍鎮一戰會死傷慘重。而事情跟著劇本中進行。

「對唔住,我認為天龍鎮以現時既我地,一定慘死。紫…司令,可以停止天龍鎮攻略一事嗎？」藍平開囗,全場愕然。





「我唔認為會係咁。我相信一定能夠攻下,司令！」鬼影不憤咁講。

「等我考慮一下,兩個鐘後,何峰,藍平同鬼影三個去我房,我想傾下天龍鎮攻略一事。」司令轉眼間消失。

鬼影一鼓作氣追上去捉住藍平,問：「你算咩意思？天龍鎮我地花八個月既時間去準備,就因為你一句？」

「你應該知你捉唔住我。天龍鎮以而家既我地一定傷亡慘重,我地欠缺唔係時間,而係另一個異能者…」藍平淡淡講出佢既想法。

「但我可以殺死你！」鬼影似乎動真格。





「停手,入黎,我有決定！」司令及時制止。

一行四人,係司令房為天龍鎮攻略一事準備。

「天龍鎮攻略一事,繼續進行。」司令飲咗一啖水。

「點解明知…」藍平激動咁講。

「因為歷史唔可以變,由佢發生…唔好再講,回營休息,各位。明天一戰,要用盡全力。」司令講完,送各人離開佢房間。





當鬼影番到自己既營里,發現一張便條：「千萬唔可以信司令！」