當平行線斜了一度: 第一三六回 －坦誠－

一三六

她沒有回答我甚麼，於是我愈來愈緊張，所以，我便把所有和立嘉那晚打籃球的事也告訴她。



「我真係無叫佢咩野表白架，你當我傻既咩。」我繼續說。







「咁點解你頭先唔幫我？」她終於開聲了。

「咁唔通我同佢講你係我女友咩？ 佢又會點諗？」我繼續裝傻。

「咁就唔洗諗我點諗？」她繼續追問我。

「咁我真係唔知你對我真係點，我番到黎之後，我真係好想知你地之前係點，呢家又係點，由其你地好似仲有啲野我係唔知咁。」我唯有坦白說。

「咁我對你係點，你唔係唔知掛？ 係咪要所有野都要講出黎先算？ 我地識左咁耐你唔係唔了解我係點諗掛。」她仍然很生氣的說，然後就繼續向前走。





幸好，晚上的荃灣行人真的不算太多，我猜也沒有太多人知道我們在吵架。

她走得很快，我只有快步追上她，捉著她的手。

「咪咁啦，我錯啦，呢家我就去同佢講清楚好冇？」我繼續說。

她沒有出聲，並且想把我的手摔開繼續走，所以我只好把她捉緊拉她回到我身邊，然後把她抱著。

「sorry 呀，我真係知錯啦。」我細聲的和她說。





過了一回，她終於開口說了句：

「係我認之前你唔係度個時，我係諗住對你死心，想考慮佢，但之後聖誕同復活節你做既野，我覺得自己仲未放得底你，我已經慢慢疏遠佢。」

「咁之後呢？」我追問她。

「咪之後慢慢想同佢講清楚，之後你又番左黎，但我冇諗過你唔同佢講不特止，仲支持佢繼續追我，你係咪好想我同佢一齊？」她反問我。



「咁我唔知應唔應該公開住，我又驚你會唔開心定點。」我回答她。

「你搞到我呢家仲尷尬啦。」她又晦氣的說。

「咪咁啦，我錯啦，對唔住。」我對她說。