當平行線斜了一度: 第七十八回 －警號－

七十八



看到珈喬和立嘉的合照，我呆了一呆，然後立刻把手機的屏幕的關上了。

雖然不是甚麼很親密的合照，但她們單獨的出現就已經對我來說是一種警號，甚至可以稱得上是帶出一個信息。







就是他們已經很接近了，欺騙自己的就會想以前他們也會單獨外出吧。

但亦可能是，她已經完全放棄我了。

於是，我就傳了個信息問Stephy。

「最近點，幾時黎英國探我？」







良久，她回覆了我。



「上年先去完英國，今年睇下點先啦。」Stephy 回答我。



「叫埋Louis 一齊黎囉，橫掂上年黎你都唔係同佢黎」然後加上幾個奸笑的表情符號。





「收皮啦你，有野問我？ 關於珈喬既？」她回答我。

「真係有咩都瞞唔過你既。」

「我最近好少搵佢，我轉左工之後都冇咩時間。」對了Stephy她去了當導演。

「呢排好少出黎玩咁，你地係group都唔出聲。」我問她。

不過其實都是正常的，由其現在我們每個人都已經開始工作了，有大家不同的新環境，就好像每一個朋友圈子一樣，都會有到期限的一天。



想不到，我和珈喬這對「朋友」都迎來了這天。

「不過我幫你八下啦，你咁耐以黎都唔懶懶行，都唔知你係咪鍾意人。」Stephy 回答我。





說實話，我和珈喬感情較好的那段時間，好像連所有朋友都沒有提及過，不過不提也罷，因為可能都會成為了歷史。

過了一會，手機傳來了信息，我滿心期待著是Stephy 已經幫我問到珈喬最新的消息。

「hey 我搵到屋就搬落London 啦，上次食飯你咪話想去我個town睇下既，你邊日得話我聽等姐姐我帶你食好西。」手機傳來了Janice 的短信。