當平行線斜了一度: 第七十一回 －坦白－

七十一

直到晚上，我們就如以往一樣吃完甜品之後就回家，但今晚時間尚早她就想回去，可能是因為時差的關係吧。

在那個平台上，我們有著許多回憶，所有的事都是在這裡發生，由開始，到中間令她生氣，再握回她的手，最後再抱著她，然後又把她送走，到今晚她終於回到我身邊，但我卻好快要離開。

「其實我有啲野想同你講。」我硬著頭皮說。

「咩野？」她回答我。







「我知你好唔中意，所以我一直唔敢講。」

「咩野事？你同第二個一齊？」她好奇的問我。

「其實我最後決定都係今年出國讀書。」我終於說出口了。







「你講真？點解？」她開始語氣有點大。

「冇咩點解，呢個都係我心願，我想你支持我。」我答她。

「點解要我番黎就同我講你要走？唔可以一早同我講？」她很激動。

「我問過你但係你反應幾大，我唔敢係決定個時同你講。」







「所以你就臨走先同我講？ 羅煒程，點解你做咩都係唔岩timing 既？」她愈說愈激動。

「可唔可以等我一年番黎。」我問她。

「你唔可以早啲同我講比個心理準備我先既？你唔會同我商量下既？」



我不知可以說甚麼了，所以我沒有答她。

「算啦，冇野啦，咁大件事你都唔會同我講，仲要叫我等你？我等左你幾多年你又知唔知。」

「我去英國除左我既心願，仲有可以令我地之後既路會走得舒服啲，你明唔明？」我反問她。

「我睇唔到我地仲會有咩之後啦，算啦。」她很生氣的說。





「我想可以同你有個好啲既將來，先會咁大決心去英國，你估我又真係捨得咩？」我說。

「冇野啦，我走先。」



她說完就急步走了，回到她的那一橦大廈。

而我，就只有呆站在街上，那一刻我也有一點激動，不明白她為何不好好體諒我，我出國也不是只為了我的私心，就是有一種被冤屈的感覺。