[專員≠Hugo] 我係溫文樂，奉命調查一宗垃圾站藏屍案: 五十六

對於警方搵上門，溫文樂雖然有少少驚訝， 
但係作為差人既佢，佢知道呢一日總係要黎。 
佢知道自己親手殺左個女人，佢就要受到法律制裁。 

當然，佢諗都冇諗過， 
出賣佢既係為求自保既Hugo。 
或者，你會問，點解溫文樂最初要嫁禍Hugo。 
=========================================================== 
我地番番去警方查案既過程。 





"陳Sir，關於早幾日個單失蹤案， 
我地去左失蹤者經常出沒既酒吧個頭調查。 
有間酒吧既老闆認得失蹤者， 
仲主動提供當日失蹤者同一個男人一齊離開既閉路電視片段俾我。"呀燊向上頭匯報。 

"真係？我地而家睇！" 

"片段當中，有一個男子同失蹤者一齊離開酒吧。 
之後個女人就不知所蹤。"呀燊一路睇片，一路指住屏幕上既男人。 





"咁...都證明唔到乜野架喎。" 

"但係，同一時間， 
一架駛往堆填區既垃圾車發生左意外， 
車上既垃圾傾倒哂出黎。 
當中發現左一d人體殘肢。"呀燊自信咁講。 

"呢兩件事有關係？"陳sir皺皺眉。 

呀燊心裡面對陳sir既問題表示不屑。 





"死者既化驗結果證實同失蹤者吻合。 
而最重要既一點，架垃圾車係慈雲山開出。" 

"即係呢個男人，好可能同之前既連環垃圾站藏屍案有關？"陳sir雙眼發光。 

"表面證據似係喇。捉佢番黎兇佢兩下就乜都講架喇！" 
======================================================= 
兩日後。 

"陳sir，有新發現！個個男人係死者死個日， 
去左買菜刀同腐蝕性液體！"呀燊跑入去陳sir既房間。 

"哈哈！咁仲唔係佢？！拉佢番黎！"陳sir發施號令。 





"嘿！溫文樂攪左咁耐都拉唔到人！ 
而家咁易就俾我攪掂！仲唔到我升職？"一邊帶隊既呀燊不停奸笑。 

或者，冥冥中的確有主宰。