[專員≠Hugo] 我係溫文樂，奉命調查一宗垃圾站藏屍案: 五十

七月。溫文樂屋企。 

呢一晚，溫文樂再一次約左Candy。 
剛享受完魚水之歡既Candy，卻顯得愁眉深鎖。 

"Candy，做咩咁既樣？ 
黎，飲杯紅酒先。"溫文樂當然知道Candy又一次內心交戰。 

Candy卻一手推開溫文樂，溫文樂手中既紅酒杯化個粉碎。 





"樂，呢次真係最後一次，好嗎？ 
我真係好內疚... 
係，經過呢段時間，我知道自己仲係好愛你。 
但係，我已經係人地老婆喇。 
我地根本冇可能再一齊... 
你當放過自己，放過我啦好嗎？"　Candy再一次哭成淚人。 

"好，好..."溫文樂心裡面卻有另一個如意算盤。 

正當溫文樂假意送Candy走既時候， 




佢地途經一個垃圾站。 
一個杳無人煙既垃圾站。 
就係呢個垃圾站外拎住一個鐵錘，向Candy後腦擊去。 

"嘿...哈哈...你覺得你可以走咩？ 
我要你永遠都走唔到！你背叛我！ 
賤女人！去死啦！"　溫文樂彷彿已經失去理智。 

正確黎講，Billy根本冇理智可言。 





係溫文樂處理緊Candy既屍體時，發生一段小插曲。 
溫文樂本來既計劃，係碎左Candy既屍體。 
不料佢正想下手既時候，頭卻痛得要死。 
佢知道，佢好可能會喚醒真正既溫文樂。 

"唔可以俾佢醒！佢知道自己殺左Candy，佢一定會自首！" 

於是，佢忍住痛清理現場後，將Candy既屍首棄於垃圾膠車內。 

事後，佢曾經擔心留全屍會令自己處於困局。 
不過佢後來發現警方居然耐佢唔可。 
於是，佢將自己幻想成正義既化身， 
要殺盡天下可惡既女人。