[專員≠Hugo] 我係溫文樂，奉命調查一宗垃圾站藏屍案: 四十四

"嗯…冇錯…呢個男人唔可以留。" 

"痴左線呀你？Hugo黎架！兄弟黎架！" 

"唔殺佢難保佢會講呢件出去，到時就身敗名裂架喇！ 
你都唔想坐監架？" 

"我相信Hugo一定唔會講出去！佢唔會出賣我！" 

"你有冇諗過，其實殺人既未必係你？ 




有冇諗過Hugo先係殺人兇手？佢嫁禍俾你架咋！" 

"冇可能架…但我真係冇印象自己殺左個女人喎…" 

"係囉，殺左佢…殺左佢先真正了結呢件事…" 

兩股唔同既聲音係我腦海不停交戰， 
我亦因為咁諗到入哂神。 
直到Hugo將我拉番番黎現實。 





“喂，做咩唔出聲呀？仆街我而家好驚呀死左人呀… 
你唔好嚇我啦… 
你估差佬會唔會知係我地做架？” 
Hugo應該未見過死人，仲要佢親手碎屍，佢冇瀨尿我覺得算係咁。 

“只要屍體被送到堆填區，呢方面基本上就冇問題架喇... 
我擔心緊既係，係酒吧附近有冇閉路電視影到我地姐… 
只要解決埋後顧之憂，咁就冇事架喇…”我意味深長咁望住Hugo。 

“呀…..” 突然，我頭部傳黎一陣劇痛。 




呢種痛，痛不欲生，痛入心扉。 
============================================================== 
“樂仔？冇事丫嗎？” Hugo關心咁問。 

呢個時候既樂仔已經冇再頭痛。 
佢對住Hugo笑左笑，答左句冇事。 
只係，佢並冇講到佢心底個句說話。 

“我唔係咩溫文樂，我叫Billy。”