[專員≠Hugo] 我係溫文樂，奉命調查一宗垃圾站藏屍案: 二十

那年中一。 
有一次我見到呢個女仔，係屋企後樓梯。 
個日，我拎住兩袋垃圾，準備掉去垃圾房。 

"喂，唔好咁啦。有人會見到架．" 我係後樓梯聽到呢句說話。 

好奇心驅使之下，我打算偷睇一下。 
係樓梯既盡頭，我見到著住校服既一男一女正在纏綿。 

男既頭髮都幾長，喇叭褲，木底鞋， 




我認得佢身上既校服， 
係我隔離個間BAND 5學校。 

佢既左手正係女仔既胸前遊走。 
而女仔臉紅紅，我睇唔出佢係尷尬定係享受。 
望多兩眼，咦，佢咪隔離班個班花陳穎妍？ 

我仲記得我老死hugo係咁話人地好靚， 
不過個毒男連同人講野都唔敢呢。 





唔知係咪我睇得太入神。 

"喂，你望乜撚野呀？" 個個男仔對住我大嗌。 

而家我先睇到佢既正面，始乎佢比起我地高幾個年級。 

"我冇望呀。"唔知點解我應左佢。 

"冇望？o靚仔，你邊到架？"呢次係我第一次俾人兇。 





個男仔想向我走過黎，正當我想拔足而逃， 
陳穎妍開口幫我解圍。 

"我同學黎架，唔好攪人。" 陳穎妍望住我，淡淡咁講。 

好彩佢幫我咋！話時話， 
我以為我呢d小人物冇人識啦，陳穎妍真係認得我？ 
就係咁，我同佢成為左點頭之交。 

直到有一日，我係學校幫左佢一個小忙。