[專員≠Hugo] 我係溫文樂，奉命調查一宗垃圾站藏屍案: 十八

"琴晚零晨，慈雲山慈正村垃圾站發現另一具女性屍體。 
係繼上星期之後再係同一地點發現屍體。” 新聞主播正報導緊晚間新聞。 

“警方大為緊張，派出多名警員到現場戒備。 
根據現場消息指，屍體赤裸，不過尚未腐爛， 
警方現正鑑定死者身份。”另一名較資深既記者正係現場報導。 

“我地警方非常重視今次案件，唔排除兇手同上星期發現屍體案係同一人。” 
係電視出現既係老頂。” 





我回過神，先發現芷晴若無其事咁望住我。 
我地走到一間餐廳。 

“你已經知道呢單CASE？”我首先發問。 

“係呀，晏晝收到風。”芷晴淡定咁答。 

“咁你有冇咩消息？”我一臉期待。 

“好可惜，乜都查唔到。” 芷晴攤攤手。 





“咁你咁出黎？我以為你有消息TIM…”我大為失望。 

“嘩！我同你得工作關係架咋咩？食個飯都得掛！” 芷晴扮嬲，哈哈，呢個細路女有時真係幾可愛既。 

“唔係…”嗯...我好似有少少面紅。 

“我有野想你幫手就真既。你有冇查過佢電話記錄？”芷晴一邊食住意粉，突然問我。 

係喎！點解我冇諗過呢？ 




我決定聽日番差館查一查CANDY既電話紀錄。 
同埋要睇下新既案件有冇咩線索！ 

“喂？我想睇AVENGERS呀！樂仔哥哥你陪我睇丫！” 

“下？”我仲以為男人先中意睇呢D戲。 

“係呀IRONMAN真係好型呀！而家去睇啦！”芷晴抺抺咀。 

“我…慣左夜晚就番屋企。下次啦！” 
點解我會拒絕佢？我都唔知呀。 
我淨係知我好攰好攰…我要訓覺呀！