【Ｂ型世界】: 是你教曉我和你傾是沒用的

26/9，你搞左場「和理傾」，超過二萬人報名，只係得150人可以參與，其中又只得30人「有幸」發言。發言當中，最普遍嘅意見係要求你成立獨立調查委員會。你無採立對話會意見之餘，更加用火水救火，以緊急法立蒙面法。
三個月半前，有句說話深深打擊了「和理非」，叫「是你教曉我和平遊行是沒用的」。事到如今，再次打擊我哋，係另一句說話：是你教曉我和你傾是沒用的！
先唔講獨立調查委員會成效問題，亦唔討論動用緊急法點樣遺害千年。要指責嘅係你處理事件嘅手法，並唔係乜嘢止暴制亂，亦唔係為左平息民憤。而家一切都好清楚，打從一開始你就無諗過顧及香港人嘅權利，而係要將一個一個香港人送頭俾你嘅主人！
而家回想，你對住鏡頭哽咽道：「話我賣港，我點會賣港？」嘩！真係起晒雞皮。惡毒有好多層次，你應該係超越巫婆果種。美國參議員厚道，只話你嘅來信盡是空話，其實你講嘅一切都係大話！
呢一刻，我已經無意見想發表，只有用行動維護自己的權利。林鄭月娥，多謝你清楚明白地教曉我哋呢樣嘢。