炮友: 13

寂寞，空虛，自卑，慚愧，不忿，悲傷，痛恨。
我唔想再望住佢，但又想你佢錫反我。我唔想同你講野，又想你氹下我。
「你係咪覺得我好污糟？」我問。
「唔係咁既意思，而係我真係會諗好多野，諗到我冇辦法繼續落去，我唔想忍唔到一時之快而錯落去。」
我冇辦法了。我唔知可以點算了。我係咪真係五行缺愛？點解咁都唔施捨我？我知我冇可能得到你，我淨係想要肉體上既溫存，係咪真係咁難？換個方式愛你都唔得？
佢之後又解釋左好耐，我都唔係好用心聽，但佢問我可唔可以唔好再嬲戈陣，我點了點頭。
「嗯。」
勉強擺上笑臉，同佢繼續傾天文地理。但係就算點都好，依個人，永遠都唔會屬於我。努力記住你臉上的一切，我從未如此清醒過。
你還是這般溫柔。



到佢送我反屋企前，我不爭氣地要了一個擁抱，還不知悔改地叫佢錫我一啖。為咩？餘下的只不過是無感的兩瓣唇。我諗，應該比以前更把忘記你得徹底才對。有人疼，誰喜歡流浪？可能我會繼續沉淪在情愛不分的慾海裡，可能終有一日我都會遇到一個好人。不過有咩用？我中意壞人。