炮友: 9

「好耐無見😏」有人add我fb。
「你係？」
「乜你之後仲有亂識人咩」
我一直都喺度，亂識人。
「所以你係邊個」
會唔會係，阿豪，我想你係阿豪。
大家可能已經唔記得佢係邊個喇，但我仲周不時諗起佢。戈一晚，好夢幻，係我第一次同陌生人做，而你令我有戀愛既感覺。
「咁快唔記得我？」
我一直，都喺唔同人身上搵你既影子，想佢地有你既溫柔，又怕佢地唔夠你壞。
「唔記得」


我唔敢記起你。你有女朋友，你好愛佢，你搵我只為解決一時之快，同埋我似你前女朋友，而你對佢愧疚。我冇唔記得你，但我一直對你都又愛又恨。我永遠都唔會得到你，我永遠都係第三者。
我好掛住你，我真係好掛住你。
你話你同你女朋友而家同居，感情生活好穩定，你好難再搵我。而今晚，都係因為你地後日去旅行所以佢先反自己屋企執gip。
你話你想出尼見下，都好耐冇搵過我，傾下計都好。於是凌晨1點，我出門了。