炮友: 4

炮友4
「你好似我前女友，講既野好似，又短頭髮。」
我唔知依件係咪一件好事。我感覺到我地之間唔係炮友咁簡單。我唔想深究依種感覺。我唔想再愛上一個人。
「走喇。」佢話。
「嗯。」「喂！」
「？」
「你都未攬過我。」
屌，我講依d做咩，一開口我就有d後悔，但又期待又怕受傷害。佢慢慢行過尼，我個頭去到佢胸口上少少，佢好佔有欲強地一下單臂拑實我。對唔住，我承認我真係少女心爆發。
「我以前就係咁攬佢。」佢話。
嗯。都係既。我又諗左去邊。


戈晚佢車我反屋企。好凍好大風，但我唔敢再攬佢。一來我地只係炮友，二來，我驚我唔捨得放手。去到屋企樓下，佢話：「我望住你上去啦。」我慢慢向前行，時不時回頭，你仲喺度。去到大廈門口，我地揮一揮手，再見。
反到屋企我未咁快訓得著。我諗緊，我到底做緊d咩？好地地一個女仔，會去約炮？人地氹你兩句你就送上門，仲要開始掛住人？係咪咁賤啊.....
但係無可否認我幾滿足於依種關係。有性，但都有少少愛，但我會抑壓自己唔好干涉佢既生活。佢有女朋友，佢地見面戈陣佢會block左我先，驚我add佢會比佢女朋友發現。佢一開始已經有講明。我唔係佢邊個，我只係一個炮友，一個佢睇得上，但唔會愛上既炮友。

*近排有d忙，故事後期極少甜可能會令大家失望，因為真係真人真事。依篇係為左戈一個追稿既人而出的，多謝你