約定的重遇: 第一章-習慣

「鈴.....鈴......鈴......」 「好煩阿！」我大叫。

我一個反手將個鬧鐘拍熄。然後繼續倒頭大睡。

再起返身望下個鐘，發現原來已經八點十五分。

於是為左盡一個好學生應有既責任，我決定繼續訓，你以為我會咁？

咁你就錯啦，我係選擇斯斯然咁刷牙、洗臉、然後換衫返學。





清涼既秋風迎面而來，令我呢個遲到但係從容不逼既人心情輕快。

你問我點解遲到仲咁開心？

因為我已經慣左每日放學去留堂室罰抄。

而我諗訓導老師返工既其中一個動力就係為左每朝記我名。

所以我做緊既嘢不但為老師著想，仲係為左學校。





睇到呢到，相信你都可以理解到我做緊既嘢有幾咁偉大。