[人生哲理]《黑白的世界不止於灰》: 31 世界級的禁區(4)

回到佩盈的家，在敲門之前，發現了門外有一雙女人的鞋子。
 
「有女人係入面。」佩盈的手停了。
 
是一雙高跟鞋。
 
「到底係邊個呢？」我明知故問，「你接唔接受到……有繼母？」
 
「如果係老豆鐘意既，我都……冇意見既。」佩盈說。
 




「叩叩——」佩盈敲門，沒有新屋的門匙。
 
過了一會兒，鄭健過來開門，讓我們進去，「返黎嗱？」
 
「係啊。」我回答。
 
門一打開，就已經看到佩盈的親母。
 
「點解你會係度？」佩盈問，「你又想黎搞我地？」
 




親母穿著拖鞋，喝著水，慢慢放下水杯。
 
事隔八年，她已經是年逾五十的姨姨，仍然滿身貴氣，卻少了幾分傲慢。
 
感覺和藹了不少，身上是灰色的旗袍式長裙，頸上戴著珍珠鍊。
 
可是佩盈一看到她，仍然充滿敵意。
 
「我黎哩度，係想請你地幫我造一頂帽。」姨姨說。
 




「請你離開，哩度唔歡迎你。」佩盈無情地說。
 
「咁多年黎，我都冇做過對你唔住既野丫。」姨姨說，有點情緒，「亦都冇騷擾你地。」
 
「你當日離開屋企，改嫁有錢佬既時候，就預左我唔會再做你個女架啦。」佩盈說，「你做咩都冇用，有啲發生左既事係冇得補救，請你走啦好嘛？」
 
「佩盈。」鄭健語氣嚴厲。
 
「你害到老豆幾慘，佢幾難過，你一定唔知道。」佩盈望著她，指著爸爸。
 
姨姨轉為望向鄭健，表情很無知。
 
「你唔走，咁我等你走左，先返黎。」佩盈說，一氣之下轉身離開。
 
佩盈就這樣下了樓梯。




 
我對鄭健承諾，會看著她的。
 
便按著帽子，一級級地下去。
 
當我追到佩盈的時候，已經是地面，她眼有點紅。肯定很不甘心，肯定很想對抗。
 
「唔好意思，你漏左啲野。」我說。
 
「漏左啲咩？」她問。
 
「漏左我。」我瞇眼笑笑。
 
她打我胸口。
 




「嗰個女人，當年離開得哩個家，就即係放棄左我地。」她說，「佢係我心入面，早就唔再係我家人，以前細個冇能力反抗，依加，我冇可能再聽佢話。」
 
「你可能唔知，老豆當年真係好慘，點都阻止唔到佢走。」她心疼爸爸，「佢仲要逼我跟佢兩年，逼我去第二個地方讀書。」
 
她用力鎚我，鎚我的胸口。
 
「早知自己貪慕虛榮，當初點解要嫁比老豆？」她一直問，「既然唔可以一生一世，點解要結婚，點解要作出承諾？」
 
她眼濕著，打了我五下。
 
基本上她早年的不幸，都源於母親的改嫁，所以她恨她是正常的。
 
然後我上前擁抱她，緊緊地抱著她。
 
我眼眶也濕了。




 
「做咩攬住我？」她抬著頭，在我肩上。
 
「有冇睇過拳擊比賽？」我軟弱地問，「選手唔夠打既時候，會抱住對手。」
 
「你依加唔夠打咩？」她問。
 
「唔夠打。」我說。
 
這時她才放鬆下來，肩膀放軟了。
 
「四圍行下好唔好？我陪你，散下心。」我說，還沒有鬆手。
 
她輕輕把手，想抱我背。
 




「何常，如果你可以唔……」她哽咽，搖搖頭，「嗯冇野喇，我地去食野，填飽個肚！」
 
我鬆開擁抱，手抓起她的手，緊緊牽著。
 
「行。」我說，帶頭拉著她。
 
左手輕輕抹走眼淚，走了兩條街，走進一家麵店。
 
「幾位？」店員問。
 
「兩位。」我無表情地說。
 
點了兩碗米線。
 
兩碗之後，又叫兩碗，連湯都喝一半。
 
終於，我們把肚皮撐得脹大，心情也平復下來。
 
準備結帳的時候——
 
有一對年輕父母進來，女人焦急地問，有沒有人見過她的兒子，說他放學之後沒有回家。
 
「我嗰仔係咁高，皮膚好黑，成日揹住書包。」她擔心地形容。
 
可是聽她說話的人，只有少部分客人。
 
「我個仔平時就算偷走去玩，都唔會咁夜返。」她慌張著，「我驚佢比拐子佬拐左去。」
 
「佢講緊既，係咪我地今日撞到嗰個男仔？」我問佩盈。
 
「禁區前面嗰個？」佩盈問，「又好似有啲似。」
 
「咁得喇。」我說，舉了手。
 
就當是給她一個安慰又好，真的去替她找也好，總之我要對她說——
 
「我好似見過，雖然唔係好肯定。」我說，「你可唔可以留低聯絡方法？同埋佢叫咩名？如果我再見到，就聯絡你。」
男子走了過來，他是父親，比較理性地跟我溝通，也寫了電話號碼等資料給我。
 
「唔該晒你。」兩人感謝我。
 
「真係搵到，先再多謝我都未遲。」我客氣地說。
 
我拿著紙條，在收銀處付了四碗麵的錢。
 
「你諗住點？」佩盈問。
 
「送你返屋企先。」我說，收好紙條，「然後拎返個黑皮箱，再搵地方住。」
 
「再唔搵，我都唔知今晚瞓邊……」我說，把錢包收好。
 
鄭健那間新屋，只有兩間房，沒有客房給我。
 
「瞓……」佩盈手指放唇，偷瞄我一眼，有點心思。