[人生哲理]《黑白的世界不止於灰》: 14 小麗的邀請(2)

「你仲想點？」小麗問，停下腳步。
 
她的手，捏住辮子尾。
 
「我想問，如果冇左推薦，你會點？」我問。
 
「我？」小麗生氣，漸漸臉如死灰。她本來就是灰色的臉，如今更加難看了。
 
「冇左推薦，就只能夠去參加入學試。」她說，「但……」
 




「真係咁難，難到你試都唔想試？」我問，「寧願用『走後門』既方式？」
 
「你唔明架喇。」她想打發我。
 
看她回避的樣子。
 
我站到她面前，阻住了她。
 
「咁你講到我明為止。」我不放過她。
 




「既然你想知，咁我就話比你知。」小麗看著我。
 
「我屋企人，好想我讀好書，我好需要一個入學既機會。」她說，「但我可能，連參考書都買唔起，點樣去準備入學試？你要知道，入學試面對既係，全國對美術有興趣、有資質既學生！」
 
「一直以黎，只要跟住佩盈，就可以借佢既書，共用溫習室。」她沒志氣地說，「一切都事半功倍。」
 
「依加，擺係我眼前既，係推薦既機會，你知唔知有幾難得？」她說。
 
說完之後，她眼泛淚光，托一托圓框眼鏡，只看別處。
 




我也明白到，在這個時代，能夠讀書的人仍是少數，都是精英的專利。
 
我在意的，還有一點。
 
「小麗，你係咪一直都幫佩盈阿媽，睇實佩盈？」我問。
 
她不回答我，吸一口氣，閉上眼睛。
 
「佩盈曾經同我講過一句說話，人窮志不窮。」我說，「人窮，富人睇唔起你。志窮，窮人都睇唔起你。」
 
「而最重要既係，自己睇唔睇得起自己。」我說。
 
「你依加睇唔睇得起自己？」我問。
 
「你屋企人想你讀好書，應該係想你做一個『出息』既人。」我說，「如果你習慣左卑躬屈膝，習慣左攀附權貴、用言聽計從黎換取一切。」




 
「做學生已經係咁，你將來出黎做野既時候，唔通為左升職，又日日……搵人攀附？」
 
「咁你既實力，幾時先拎出黎用？」我問，「幾時先可以靠自己解決問題？」
 
「幾時先可以——」我不忍心地說，放下聲氣，「成為一個出息既人？」
 
鳥兒在空中飛過，以自由自在的身姿。
 
她流下淚來，眼睛眨下淚滴——
 
用手抹眼淚，托起了圓框眼鏡。
 
我從西裝胸袋裡掏出錢包，數了數。
 




「帶我去一個地方。」我說，把錢包收回西裝裡。
 
「去……邊？」她問。
 
我上前，在她耳邊，說了一句話。
 
 
下午六點，忙碌的我準時回到醫院。
 
鄭健的病床前。
 
佩盈一直陪著她的爸爸，垃圾桶滿是烤番薯皮。
 
「結果點啊？」她看到我就問。
 




「我買左啲野比你。」我說，抱著一個紙袋。
 
我放下紙袋，在她位置的地上。
 
滿滿的參考書。