(短故）《為咗係聖誕前出pool，我居然去咗玩tinder》: 17.

回港之後，我和阿君依然在一起，我也向他坦白了自己寫作的事。

「吓？乜原來個故你寫㗎？」我用電腦向他展示我一直以來寫下的稿件：「屌！痴線！乜我女朋友原來係大作家嚟！」然後他就一下摟著我。

「咩呀，邊有咁誇張！」我笑著推開他，然後打開其中一個故事：「都係寫下扑野先有人睇咋嘛。」

「唔好咁講啦，幾多人可以寫到出書呀，你真係好勁囉。」他一邊凝視著電腦一邊說：「啲題材幾好喎，可以用嚟拍微電影，應該會幾好睇。」

「唔好玩啦，邊有咁易。」我搖搖頭，指著電腦說：「啲人睇下就算㗎啦。」



「你畀多啲信心自己啦！」他拍拍我的肩膀：「我信沈卓怡得㗎。」

隔了一段時間，我還在籌備新書之際，突然有一個大學生聯絡我。

「你好呀，我同一班朋友有拍開片㗎，對你之前寫嘅故事好有興趣。如果我地想拍微電影，你會唔會肯授權個故事畀我地呀？」

我收到信息的時候簡直受寵若驚。

「你想拍邊個？」我這樣回覆他。



「你有時間嘅話不如我地約出嚟傾啦。」對方提出見面，於是我答應了。

我想除了在大學裡傾project以外，我從未試過如此認真地和人洽談事宜。

所以我的心情多少也有點忐忑和緊張。

來到見面當日，和我見面的是一個女生。

「hello，好開心你肯出嚟呀！」我們約在我工作的咖啡店見面，女生來到我面前：「叫我Tammy啦，我係你忠實讀者嚟。」



「你好呀。」我報以一個微笑：「多謝你支持。」

「估唔到有機會見到你真人！」她上下打量了我一眼：「你同我想像中，好唔同。」

「哈哈，我係好樣衰？」我笑著回應。

「唔係，只係我以爲你會係個戴住眼鏡、著衫斯文嘅文青女。」她托一托自己的眼鏡：「反差都幾大下。」

「係呀。」我苦笑了一下：「無人會估到我係寫嘢嘅。」

「咁先好呀，證明你有內涵。」她點點頭：「我真係好欣賞你㗎。」

「多謝你。」

然後我叫海文沖了一杯咖啡給她，便和她談起上來。



「我地係來自幾間唔同u嘅學生，我地都對拍嘢好有興趣，最近想拍個有關大學生嘅愛情故事。」她從手袋裡拿出一疊A4紙：「呢到係劇本嘅初稿，係改篇你一個故事嘅，你可以睇下。」

我翻了兩翻，看到自己創作的故事變成劇本，感覺很神奇。

「除咗我之外，我地嘅導演都係你fans嚟。」她把身子哄過來：「佢仲成日估你靚唔靚，哈哈。」

我淡然一笑。

我地談了些選角的條件、拍攝的細節之後，約定了下一次見面將會是演員Casting day當日。

「到時導演都會嚟，到時你簽返個名畀佢啦。」Tammy之後就揮揮手向我道別。