(短故）《為咗係聖誕前出pool，我居然去咗玩tinder》: 15.
白晝來臨之前，阿鋒拖著我走到馬路外面。
「咁我地...而家點？」我停止了腳步，把視線轉向他的臉。
他同時也回望我，眼裡好像帶著絲絲猶豫。
「我唔知。」他沉著聲線說：「阿君係我好好嘅朋友。」
之後又是一片沉靜，良久之後我再問：「所以你寧願推我畀佢？」
「我真係唔知，你地已經一齊緊，我可以做啲咩？」他啞著聲線回答，臉上帶著一副眉宇深鎖的表情。
他沒有放開過我的手，然後同樣截了一架的士，就像上次一樣。
我凝視著的士窗外的街景一格格地往後退，車子雖然一直向前進，但我和阿鋒卻一直滯留在原地。
司機中途把收音機扭開了，在網絡科技愈來愈發達後我幾乎都沒有再聽過電台節目。
「嚟到今日我地最後一個聽眾嘅電話，喂，你係？」
「叫我C。」
「C小姐你好，請問你想點咩歌？」
「我想點〈海浪〉。」
「黃品源個首？」
「唔係，一隊唔係好多人識嘅台灣band。」
「哦...好呀。咁C小姐你首歌想送畀邊個呢？」
「我前男友。佢好鍾意呢首歌，一直都叫我試下聽，不過我無理過佢，因為我從來都唔明呢種音樂有咩咁特別；到我終於肯接觸嘅時候，佢已經搵到個肯陪佢聽呢隊band嘅女仔喇。」
「呢一刻你最想同佢講咩？」
「我愛你，不過我似乎一啲都唔了解你。」
然後〈海浪〉的前奏就響起，男DJ和那把幽幽的女聲伴隨著音樂的開始消失在大氣電波裡。
我斜眼偷看著阿鋒，我看到他眼泛淚光。
我慢慢鬆開我們一直緊握著的雙手，然後拍一拍他的手背。
他沒有回望我，就一直看著前方。
整個車程就這樣籠罩著奇怪的氣氛，配著主音鄭敬儒憂怨的唱腔，直到車子停在宿舍外面的馬路。
他跟著我下了車，輕揉著他的雙眼後，緩緩吐出一句：「對唔住。」
「唔洗對唔住，我明。」
「嗯。」
這個時候有人從宿舍裡走出來，她看到我們之後站在原地，然後向後跑掉。
阿鋒望著她的背影欲言又止，最後靜靜地看著Celina走回宿舍，什麼也沒有做。
我終於忍不住走向他面前，在他肩膊上又拍了兩下，我就返回宿舍去。
第二日我有在tinder上找阿鋒，不過發現他已經刪除了自己的帳號。
我讓自己沉澱了幾天，喝了很多酒，最後我留在阿君身邊。
這是我2018年最後的決定。