(短故）《為咗係聖誕前出pool，我居然去咗玩tinder》: 13.

雖然我不太肯定阿鋒會否出現在這個公園，可是我一定要來；

他說過這是他的大雄後山，這是我唯一的機會遇上他。

我心裡面除了是焦急，我不停地看著電話屏幕上的畫面，期望他會在tinder裡回覆我。

我下車之後連忙走到上次的位置，涼亭和上次一樣，一個人影都沒有。

我抱著頭坐下，腦入面回憶起阿鋒和我的對話。



「如果你畀五舊水我，我考慮下讓我個張畀你。」

「我要搵嘅女人唔係Celina呢種。」

「係會陪我去睇伊瓜蘇瀑布嘅人。」

「阿君好仔嚟嘅，如果佢恰你嘅話一定要話我知，幫你打鳩佢！」

「你比我送你喇，咁夜你一個女仔好危險。」



這個晚上已經不知道抽了第幾根煙，我吸了一口就隨即掉在地上。

抽煙根本沒有用。

之後我呆望著地上的煙頭，過了很長時間，有一個高高的黑影出現眼前。

「沈卓怡？」阿鋒難以置信地看著我：「你做咩走咗上嚟？」

我紅著眼抬起頭來，盯著他好久，然後我就一下子站起來撲進他的懷裡。



「咩事呀？」他被我嚇壞了，雙手沒有放在我背上，只是輕輕地撫著我的頭髮：「你同阿君嗌交？」

我禁不住情緒的氾濫，終於在他面前哭起來。

他沒有再發出半點聲音，漸漸地把手放在我背後，靜靜地抱著我。

「點解你唔早啲講我知呀....」我帶著哭音地問他。

「你講咩呀？」他小聲地答。

「deca joins poster，你係咪要送畀我？」我嘗試冷靜地和他說話：「你話過會寄poster畀我，係咪？」

他停止了掃向我背部的動作，然後冷靜地問：「你終於知道？」

「係。」我慢慢拉後自己的身體，仰高頭凝望著他的臉：「點解要呃我。」



「我無呃你...」他又吸了一口大氣：「我一開始唔知你就係Celina個朋友。」

「咁你幾時先知？」

「deca joins個晚，最初我企你後面。」