【校園】現實與平行時空的愛情故事: 第七章 - 初戀的回憶-7 ( 一個讓我心動的女生 )
- 第七章 - 初戀的回憶-7
中二呢一年的確有改變人生既事發生。
第一個係參加左一個劇場成長計劃。
而第二個就係呢個女仔。
…………………分隔線…………………
當升上中二後, 有差唔多一半既同學去左其他班。
雖然本身FD底既仲係到。
不過難免會有點失落。
小息依然會同佢地一齊玩。
有時候就會解答下佢地功課既問題。
我自問唔係一個學霸, 但我數學既成績係呢一間中學黎講係首屈一指。
吳SIR曾經係考試後比我地班睇過我地既成績(雖然今年佢唔係教我地數學, 教我地木工堂)
睇到我個分數係全級最高。考試可算是非常接近滿分。
雖然呢間中學唔係咩BAND 1, 但校風都算純樸。
相信就算呢間中學成績唔係好, 但都唔會同公開試既考試差好遠掛。
講返正題!
話說中二既通識科開始有專題研習。
而我都搵左啲新既男同學一齊做PROJECT。
由於六人一組, 包括有我, 阿樑, 阿雄, 阿輝, 阿民, 阿枝。
事實上我其實無參與過乜野, 我是被CARRY的。
又介紹下以上新黎既同學。
阿樑: 感覺上佢係一個正直既男仔, 小小肥, 幾講得笑。
阿雄: 一個同我住埋同一座樓同一層既男仔, 比較靜, 好少笑, 高高瘦瘦。
阿輝: 一個同我數學咁勁仲同我爭全級第一既男仔。比較靜, 但間唔中都會笑下, 似一個書生。
阿枝: 一個比較瘦既男仔, 會講下笑。
通識科既專題研習少不免會有Presentation。
全班有成四十人, 分左六組。
每一組輪流Present。
題目係咩都唔記得了。
最重要既係我係呢一次專題研習既Present見識到一個令我心動既女仔。
印象中佢果一組全部都係女仔。
佢地既Presentation係以一個角色扮演去表達佢地既題目。
而佢表現得好可愛。
就係呢一刻, 我就心動了。
佢叫做
- 詠珩 -