【校園】現實與平行時空的愛情故事: 第五章 - 初戀的回憶-5（是日溜冰）（下）
- 第五章 - 初戀的回憶-5
由於溜完冰既時候仲好早，有人提議去九龍灣行下。
印象中等緊地鐵既時候。
唔記得大家係到傾緊計傾緊咩話題。
突然我被阿桶改左個花名叫”豆腐仔”
係呢到要重申一下，我冇食佢地班女仔既豆腐。
我會諗：會唔會當時我既皮膚好似豆腐咁滑呢？始終開始青春期又冇青春痘。
就係咁，從此就多左個花名。
不過佢地都係叫返我做阿楓親切啲。
話咁快就到左九龍灣。
去左淘大果邊行街。
行行下有人話想影貼紙相。
我心諗:咁多人影貼紙相?
結果就真係咁多人去影。
當時既淘大九曲十三彎。
唔知點樣左轉右轉就去到有貼紙相機既地方。
地方唔大, 但係都有5,6部咁多。
等到佢地左揀右揀, 揀好左之後就大家去唱錢。
我地一行六人,一男五女去影貼紙相。
唔記得邊個決定我地六人既企位。
最後決定影相既時候保持前三後三陣式。
我企係邊?
結果我每張相都係企係前面中間位置。
總會有兩個美女在旁。
又有種比女圍既感覺。
影完之後大家就分相剪相。
然後就拎去過膠。
就係咁, 我就擁有第一張貼紙相, 仲要係經典既比女圍既相。