【校園】現實與平行時空的愛情故事: 第三章 - 初戀的回憶-3（ture or dare?）

- 第三章 - 初戀的回憶-3

唔知點解無意中同阿詩慢慢就疏遠左，可能因為其他人既說話而有啲反感，又或者我同佢都唔係好夾。

不過我依然都同阿桶班女仔一齊玩。

記得有段時間，唔記得邊個話玩 true or dare。

小息太少時間，所以我地就揀食完飯小息既時間玩。



有一次，我地去左禮堂到玩 ture or dare，可能貪呢到夠多人，玩dare既話實好玩。

我記得當時有我、阿桶、阿飯、阿君、阿牛。

大家一定會諗，一個男仔對幾個女仔咁正？

無錯，個感覺的確係幾正！

比女圍既感覺係唔錯。



有時覺得會唔會係自己靚仔所以比女圍呢？

不過我自問都唔算係一個靚仔，真係普普通通一個男仔。

可能當時既我比較內斂但又算玩得，所以先同佢地玩得埋。

講返玩 ture or dare

大個玩 ture or dare就用酒樽。



我地學生玩就緊係用水樽。

初初開始大家都問啲簡單少少既問題，或者提出一啲難度唔高既行為。

例如會問佢地覺得自己班邊個最靚仔或者有興趣既男仔。

做一啲好白痴既行為，例如有其他同學打緊乒乓波就搶佢地個波黎玩，問異性拎電話等等。

好彩以上奇怪既事都無係我身上抽中。

但偏偏轉到我既時候就語出驚人。

話說上一個被轉中既係阿君。當佢一轉既時候，就好不幸終於轉中左到我。

終於既意思係差唔多玩左大半個鐘先轉到我。



君：「 ture or dare?」

我：「 ture」

點解我揀ture？

因為我覺得男仔都冇咩好問

的確，係我既角度同我既腦袋都覺得自己冇咩好問。

所以揀ture應該無dare咁癲

當阿君問完之後，我決定收返我所諗既野。



君：「你有幾多條9(請以粵語第一聲發出，相信呢個係一個粗口既名詞黎，意思係指男性生殖器官)毛？」

我當堂嚇一跳，然後就無得啖笑，只係呆左一呆，然後就回應佢呢個數字問題。

我：「我諗我唔會咁無聊得閒數下有幾多條掛？」

之後我就完左呢個問題。

事實上，我諗除左有修剪下呢個部位啲毛既人會清楚知道自己有幾多條毛之外，其他人都唔會去數。


又記得有一次玩ture or dare

仲好記得係食完飯放小息既時候玩。



玩既人同果一次無變。

雖然印象中唔係玩左好多次，但佢地無幾耐就要係呢個遊戲加一條規則，就係不能連續揀兩次ture或者兩次dare。

佢地話以防個個人次次揀ture問到冇野好問。

又一個不幸轉到我。

我心諗：下下玩ture的確無咁好玩，就揀dare啦！

上一個被轉中既係阿牛。

牛：「 ture or dare?」

我：「 dare！」



牛：「um...同阿君講我愛你。」

我心諗：乜咁大整蠱呀！成世仔未對過其他女仔講過呢三個字。咁快就要發生？

我猶豫左好耐，最後決定死就死啦！

我對阿君講：「我...愛...你」

通常既故事橋段之後可能會出現幾個情況。

1. 女仔講：我都愛你。

2. 講完之後個女仔好感動。

3. 以上皆是

4. 自己幻想

不過要令大家失望，結果係阿君無咩反應。

然後繼續玩我地既ture or dare