聽講旺角有間新開嘅運動用品店

我叫楊爾嘉，啱啱大學畢業，收入得12k一個月，但係乜都想買，唔做運動，最鍾意訓教。我有個好好嘅朋友，係大學嘅室友，叫羅垚情，又係同我一樣咁懶，乜都唔想做。我地兩條友無野叻，最叻去行街買野，係乜都買一餐個隻。原本以為有卡數同無男朋友係最可怕嘅事，無諗過，唔做運動原來可以無左條命。

「到啦吖嘉，就係依間運動野啦，好似Ikeea咁嫁，不過唔係賣傢私係賣運動用品。」聽到吖情咁想入去咁，反正依家又無地方去，我就無乜所謂咁答佢「gogogo！」我地經過左藍色好似貨櫃咁嘅大門，就開始行樓梯落去間野，依家幾點？10:55p.m.。係吖，我都好好奇點解間野未關門。「嘩，原來依度個地牢咁大嫁？我之前無入過黎。真係嚇呆寶寶了！有好多個區喎，網球、足球、瑜伽、登山⋯⋯」一落到黎，吖情把口就無停過，不過又真係幾多運動區「就瑜伽啦，我有報過d會籍，可以買條瑜伽褲去上堂。」話口未完，吖情用行動代替回應，一支箭咁去左瑜伽區。11:00p.m.。舖入面嘅燈好似眨左下咁，我本身以為自己眼花，所以我即刻問下吖情「情⋯⋯頭先d燈係咪眨左下吖？」轉個頭先發覺，我同吖情唔係瑜伽區，而係收銀處⋯⋯

我地依家係旺角朗毛坊附近嘅運動用品店進行緊一堆隨時會令我地無命嘅活動。因為間野係地牢，所以我唔知我地係度留左幾耐。亦因爲係地牢，我地無人收到手機訊號。其實我地都唔知發生乜事，但係依度，唔做同運動有關嘅嘢，好似就會死，就好似我眼前見到個條屍咁⋯⋯屌，係死屍。好想嘔⋯⋯我地身處係收銀處，係依一刻，你不如話依個係行刑場。見前依條屍，就係比網球殺死。點講好，咪有d會嘔網球比人練波嘅機嘅，佢就係比依部機連環炮咁，比網球殺咗。係依一刻，我先知一切唔係講笑，真係一個玩命嘅遊戲。