我係一個驅魔師，專幫人驅散妖魔鬼怪: 特別專訪—4

特別採訪—4

「Hello！我係夏舞呀！咁耐無見大家有無掛住我呢？」

「無……（觀眾噓聲）」

「喂！就算係真話都唔使咁直接講出嚟㗎！言歸正傳，今日好高興請到三位茅山派傳人，佢哋分別係矮肥瘦……唔係，不如等你哋自我介紹一下喇！」

矮：「各位好，貧道名為吳惜高。」





肥：「大家好，我係吳簡淝。」

瘦：「貧道叫吳薈半。」

「喔……果然係矮肥瘦……唔係，係茅山派傳人，話說你哋係咪真係三兄弟嚟？」

矮：「當然，貧道乃由細到大一同拜師嘅親兄弟。」

「話說我哋前幾次都係請驅魔師上嚟，今次係第一次請真正嘅道士，想必大家都對你哋好有興趣，不如你哋講下道士對其他神職人員嘅立場係點？」





矮：「貧道並不抗拒其他宗教，以往道教曾吸收佛教、儒教乃至薩滿教神明入教，若然他教有其理義，道教並不會排斥。」

肥：「但我哋並唔鍾意西方宗教，甚至以科學作名義嘅驅魔師。」

「喔？點解嘅？」

肥：「因為佢哋多番挑戰道教內容，侮辱道教教義，嘗試破壞道教存在性，係班連基本尊重都唔識嘅人。」

「但道教同其他傳統宗教經常被詬病為盲信，偽科學，無實質根據，特別喺處於依家科學發達嘅時代，而且身為驅魔師嘅凌先生曾經上去踢館添！」





矮：「貧道唔否認。」

「……喔？」

矮：「道教乃二千多年前創造嘅古老宗教，當中有好多事物或者無與時並進，甚至只是一些愚昧無知嘅人為解釋不明現象而胡亂吹趨。」

「既然係咁——」

矮：「只不過，宗教核心並不限於知識，而係個人修養、傳統儀式、價值觀念、道德規範，乃自古至今文化嘅體驗。」

肥：「無錯！舉個例，我哋驅鬼時會舉行一連串儀式，符咒會寫上『太上老君』等一連串符文，喺科學眼中係種不思變通，盲目嘅舉動。」

瘦：「但係，呢啲正係宗教嘅呈現，老子二千年前創立道家乃至道教核心，因此我哋尊佢為最高尊神。呢個係信奉道教嘅人對老子嘅尊重，亦係貧道心中嘅信仰。」

矮：「道教係宗教，而科學係知識，兩者皆不同。我哋不盲目反對科學，甚至認為科學某些地方比道教先進，但並唔代表科學有能力淘汰道教，或者其他宗教。」





「喔……睇嚟道教同我想像中係有啲差異。」

瘦：「當然亦有不思變通，閉門造車之徒。」

矮：「但宗教有其存在意義，當中真理無論科學家做幾多次量子對撞實驗都無法得知。」

「Wow，睇嚟你哋的確唔係盲目崇拜，連量子對撞實驗都識。」

矮：「貧道平時有睇美帝嘅科學雜誌。」

「嗯，已經明白你哋嘅諗法。不如轉下啲輕鬆話題啦，話說大家都知白寧小姐係你哋前師妹，所以白寧粉絲俱樂部托我問你哋——點解你哋要狗眼看人低？」

矮：「的確係貧道等人誤判，貧道已經向白師妹致歉，只不過……」





「只不過……？」

矮：「的確有一個不能說嘅原因，貧道其實希望白師妹可以好似普通人咁生活落去。」

「唔講得就由佢啦，不如講下你哋師父係咩人？佢喺邊度？」

肥：「佢係——（被撳口）」

矮：「恕無法回答，講咗就等於劇透。」

瘦：「畀啲提示你哋啦，佢係白寧嘅恩人，將白寧從地獄救出嚟嘅人。」

「……地獄？道教觀入面有地獄呢樣嘢？」

瘦：「啊……衰多口添——（被撳口）」





矮：「（撳住兩個劇透王嘅口）忘記剛才發生嘅事吧，師父交代過不能說。」

「喔……係同啱啱嘅理由有關？」

矮：「無錯，白師妹其實係——（被撳口）」

肥＆瘦：「喂！叫人唔好講，你自己就想劇透緊最大嘅伏筆！」

「喔……喔……（搞乜鳩，呢三條友弱智㗎？）」

矮：「抱歉，你可以cut咗啱啱嗰part嗎？」

「哦（睬你都有味）……到最後一條問題啦，呢條都係白寧粉絲俱樂部托我哋問——你哋有無對白寧意淫過？」





矮：「（指住肥）呢條死肥佬試過對住白寧張相打J。」

肥：「我無啊啊啊啊啊！你兩條撚樣唔好me too我！」

瘦：「（指住肥）我都記得有咁嘅件事，結果俾師父罰到仆街。」

肥：「屌！我嗰陣係對住師父張相打J，俾師父發現之後驚佢誤會，先借白師妹過橋，我解釋過好多次啦！」

矮：「道士亦有七情六慾，還請夏小姐放過貧道不中用嘅師弟。」

肥：「（指住矮）屌你老母！明明你先係對白師妹虎視眈眈嗰個！」

瘦：「我都記得有咁嘅件事。」

肥：「（指住瘦）你都唔好扮嘢，你個M佬成日借機意叫白師妹鞭打你，你先係最變態嗰個！」

「……（癡撚線，呢三條友都癡撚線，我要報警……）」