現世奇俠傳2:殺狼

避過一劫的香港市民，正興高采烈迎接農曆龍年來臨，不過在歡樂的日子背後，總有令人不可思議的事情發生，屯門區內酒吧後巷垃圾堆中發現無頭屍，自然又要James馬全隊重案組探員出動破案..... 


"年初二就攪單咁野....真係...." 康復後的James馬仍是一貫滿腹牢騷... 

"報告馬Sir，發現屍體果個大嬸驚慌過度，到而家都未可以落口供，所以未知事發經過..." 其中一個探員回報James馬.. 

"等我嘗試安慰下佢...." Sally自告奮勇步向跪坐地上仍驚慌失措婦人... 

"大嬸....唔駛怕..." Sally俯身雙手輕按婦人雙肩，表面微笑與其對望，實質以傳心術知會火美... 





"~Kitty姐，有咩方法可以安定佢心神呀?~" 

"~佢一時嚇到心慌失神啫，妳心唸如來定心咒加持佢就可以嘞~"火美即時傳心回應... 

"~南莫三曼多...." Sally邊唸咒邊不斷輕拍，婦人漸漸平伏，開始回復意識.... 

"法證同法醫仲未到呀?...." James馬仍在抱怨.... 

"馬Sir，DR.何趕緊黎....我去望一望條屍先..." Ben剛到現場知會James馬後，即步向伏屍位置檢視 " 死者下身赤裸，俯伏垃圾堆上面，週圍好多細細粒染血肉碎，我諗要等法證科到場慢慢搜集 ..........................................







新春佳節，愉景灣山上別墅內，鮑文方與五美正在飯廳享用木美精製的賀年榚點，眾人正興高采烈之際..... 


"恭喜發財!!" DR.展與Ann從花園外步進 "祝大家萬事勝意!! " 

"你地真係有食神，難得木美親手烹製年榚同蘿蔔榚，等我入去攞俾你地..." 金美雀躍地離坐步入廚房.... 





"坐低先啦!!" 水美招呼兩人在長餐桌前就坐... 

"我都祝Ann妳青春常駐，身體健康...." 鮑文方笑向Ann回賀.... 

"仲有同Simon早日派利是!!" 土美俏皮笑語兩人 

"我都係咁話.." 金美已遞榚點至兩人面前..... 

"咦.....你地又係咁...." Ann漲紅了面 "唔公平呀!!我又冇得笑番你地..." 

"唔好笑佢地喇..." 木美笑向兩人 "好唔好食你地都俾d意見啦...." 

"如果Sally同我地一齊過年，妳都可以笑佢既....." 火美淡然而道 "佢同Ben剛剛開始左，而家仲一齊面對緊一單無頭解剖下體案添...." 

"不過經過屍毒事件之後，我覺得Ben唔似係普通人..." DR.展剛咀嚼完一小塊榚點後輕嘆 "除左體質異常之外，仲隱藏住某種能量，不過暫時感覺唔到係咩，我有D替Sally擔心..." 






縱使全港市民正歡渡農曆新年，然而公眾殮房內，DR.何與Ben，Sally仍面對著從酒吧後巷運來的無頭屍傷神..... 

"面對過咁多條男屍，未見過好似呢條咁全個男性器官處於充血狀態被解剖，包皮好似剝蕉咁界開四塊，海綿體外露，龜頭俾人逐忽挑出來散佈四周，陰囊破開，兩個睪丸唔見左，唔知道死者死之前有冇發生過性行為，十隻手指頭又俾人切埋，頭又搵唔到，似乎行兇者想徹底消滅證據，等我地冇哂線索....唉....." DR.何邊望解剖枱上的屍體邊搖頭... 


"不過正常情況下，劇痛會令陽具萎縮，又點會維持到而家海綿體仲係充血狀態?...."Ben完全未能相信自己親眼所見.... 

"呢個更加係我最諗唔明既地方，死者係頭顱被割致命，不過現場血漬唔多，頭先解剖亦冇血流出，相信全條屍得海綿體仲有死者血液...真係離奇..." 

"我覺得兇手係女性，而且好憎恨男性，先色誘死者然後落手.." 一直在旁的Sally作出假設 "不過唔知死者身份，更唔知死者同咩人接觸過....正常真係冇得查.....除非死者自己報料啦...."