《憶海》 自從意外之後，我得到咗超能力: 第四部第七章

「乞痴！」秋淼突然打了個噴嚏。

「你係咪凍呀，雖然有啲陽光但係啲風吹過嚟都幾凍。」我坐了起來說。

「嗯有少少啦，我地入屋啦，你一場嚟到就等我帶你參觀吓我間屋啦，仲有得飲好好味嘅熱朱古力！」秋淼甜笑地說。

「你個為食妹自己想飲就講啦，無見一排都仲係咁掛住食。」我捏著她鼻子笑說。

「嘻嘻⋯⋯真係好好飲㗎，你飲完一定會鍾意。」秋淼挽著我手臂走進屋裡。





一走進家門已經感覺到這間屋是多麼的大，經過一條走廊就是一個大廳，這個客廳大到可以用來打球了。

一走進客廳，便看見秋淼的父親坐在沙發上，正在看報紙。

「女，抖先邊個㩒鐘，搞咩咁耐⋯⋯」他注意到秋淼回來便放下報紙問，直至他看見了秋淼身旁的我便停下來。

秋淼父親的樣子依舊嚴肅，但是我從他的眼神中感受到滿滿的驚訝。

「爸爸，係焱煒嚟咗呀，你仲記唔記得佢呀？」秋淼回答道。





「記得，劉焱煒呀嘛。」儘管我感受到他腦海裡湧現了很多的問題，但他還是把所有疑問壓下去，平淡地說出幾個字就繼續把目光放回報紙上。

「我帶你上我間房啦。」秋淼拉著我手說。

於是，我便跟著秋淼穿過客廳走上樓梯來到上層，再經過一條短的走廊終於到達秋淼的睡房。

「哇，你間屋真係幾大啵。」走進房間後我說。

「呢到澳洲嘛，啲屋梗係大啲啦。」秋淼關上房門說。





「好啦。」秋淼緩緩坐在床上望著我「係時候同我講有人點解咁唔聽話自己一個人走過嚟澳洲搵我啦啵。」

「因為我掛住你囉，你見到我唔開心咩？」我也拿來一張椅子坐下。

「你山長水遠嚟見我我梗係開心啦，但係我唔可以咁自私㗎⋯⋯」秋淼把目光放在窗外「你唔好再靠近我啦，我已經試過令你失去晒所有嘢啦。」

「不過因為妳，我先至可以重獲一切，即使我唔記得咗你，即使妳從我的世界消失，我都要搵返你，再一次帶妳進入我嘅世界。」我堅定地說。

「點解要咁樣做⋯⋯值得咩？」秋淼轉回頭望向我。