《憶海》 自從意外之後，我得到咗超能力: 第三部第四十二章

「點解你會⋯⋯」

「我一直都注視緊你，只不過你從來都無發覺。」

比起秋淼的離去，這次我反應得十分平淡，平淡得離奇。可能是所有事情我心底裡早就知道，只是自己不肯去接受，到現在思堯說出來的我一句也反駁不了。

「對唔住⋯⋯」我苦笑一下說「呢段日子辛苦你啦。」

「比起你所受嘅都唔算係啲咩姐。」思堯莞爾「曾經我聽過有人講過一句話，夜空裡面嘅星星嘅職責只要照亮世間就足夠，唔需要被世人呵護愛慕，相比起嚟我已經比星星更加幸運，起碼我曾經擁⋯⋯曾經係重要嘅人身邊照耀過。」





嘿⋯⋯或許我終於能夠明白秋淼的感受了。

「不如⋯⋯最後我地周圍行吓？」我提議道。

「嗯⋯⋯附近有個公園，我地去行一轉啦。」

我和思堯並肩走進走進愉景灣中央公園，或許一般情侶最後都是吵鬧之後分手，但是我們的離別卻是平淡的，連最後一段路也是如此寧靜。