《憶海》 自從意外之後，我得到咗超能力: 第三部第二十八章

一天。

「今日我地嚟做咩呀？」思堯看看四周的環境問。

「你唔記得咩？」我牽著思堯的手說「係一個悠閒嘅下午一齊散步呀嘛。」

今天，我決定帶思堯到觀塘海濱長廊散步，在繁忙的工業區背後，有一個像後花園般的長廊，擁有如此而已優美的海景，平時到這裡花一兩個小時散步，暫時逃離都市的煩囂也挺愜意的。

「哦⋯⋯邊可能記得晒全部memo嘅內容同順序喎，不過你講起嘅話呢張應該係最後兩張？」思堯問。





「係啵⋯⋯反而你又記得呢張係最後兩張。」我從褲袋裡拿出memo看一看說「咁你有無嚟過呢度？」

「無呀。」思堯搖搖頭說「你唔帶我嚟我都唔知原來觀塘有個咁嘅地方。」

「大忙人你生活實在太過忙碌啦，應該多啲出嚟探索吓呢個香港，有好多美景等緊你去發掘。」我笑說。

雖說如此，我也是第一次到這裡，也只不過靠充足的資料搜集才能懂得來。

「車，竟然俾一個淨係識匿埋係屋企捉棋嘅人叫我多啲周圍去。」思堯不服氣地說。