《憶海》 自從意外之後，我得到咗超能力: 第三部第二十三章

忽然，一陣溫暖的感覺傳入手心中，把我拉回現實當中。

「無事嘛呀仔？成個人呆曬咁。」母親擔心地說，低下頭一看原來思堯正握緊我的手。

「無事無事。」我連忙扯開話題道「呀媽妳唔好係咁問思堯嘢啦，你睇佢乜都無食過落肚。」

「呀係係，唔好意思呀，隨便食呀思堯。」母親連忙說。

「唔會唔會，伯母都係想了解我多啲姐。」思堯有禮貌地說。





吃過晚飯後，思堯主動走進廚房幫忙洗碗，因此母親難得地可以在客廳坐在沙發上看著電視休息一下。

「呀媽飲杯暖水啦。」我倒了一杯水走過去遞給母親。

「衰仔做咩唔入去幫思堯手呀，要人地一個女仔洗晒咁多碗。」看母親一臉喜悅的樣子，看來她真的很喜歡這個媳婦。

「好啦好啦，我入去睇吓有咩可以幫手啦。」我沒好氣地回應，然後便走進廚房。

走進廚房，我便走到思堯身旁，拿起抹布抹乾碗碟，然後把它們放回架上。





「其實你唔使咁好幫我地洗埋碗啵，話晒你都係客人嘛。」我說。

「始終都係見家長，呢啲野點都要做嘅，反正都係啲手板眼見功夫姐，好快就搞掂啦。」思堯微笑地說。

「焱煒呀……」思堯良久後才吐出第二句「都係無野啦……」

之後，我們都在一片寧靜的環境下專注洗乾淨那些碗碟，思堯洗，我再抹乾，這種情景十分熟悉，好像我們之前都做過相同的事吧，只不過那次是在思堯的家裡。

「今日真係好多謝你招呼我，打擾晒呀伯友。」思堯洗完碗後坐了不久便打算離開。





「邊度係呢，我多謝你幫我洗晒啲碗就真，同埋以後唔使叫我伯友咁見外啦，你同炎煒一樣叫我呀媽就行啦。」母親笑著說。

「知道，呀媽……」思堯靦腆地說道。

「衰仔，仲唔快啲送思堯返屋企，一個女仔夜麻麻係街上面危險呀。」

「係囉，不如我送埋你返屋企？」我連忙問。

「唔使啦，我屋企好近渣嘛，費時你返咗屋企又要突登出去啦，你留係屋企睇住媽媽仲好啦。」思堯回應。

「咁你要小心啦，我聽日嚟搵你啦，拜拜。」我把思堯擁在懷中，一邊輕撫她的頭一邊說。熟悉的洗髮水香味再次傳入鼻中。

「好啦，拜拜。」思堯甜笑地揮手道別。