《憶海》 自從意外之後，我得到咗超能力: 第三部第十六章

終於有一天，我在數十米外看見思堯正在排隊上巴士。

「思堯！」我便喊過去叫停她。

思堯看見我沒有理會我，反而加快腳步跳上車。

當我跑到巴士站時，巴士已經駛走了。

唉，難得看見了，又要錯失機會了嗎？





不行，我跟自己說，可不能讓機會白白溜走的。

我望向巴士線，這輛巴士會先繞到地點A然後才到地點B，然而兩個地點距離這裡是差不多。

即是我現在跑到地點B，還是有可能趕上這輛巴士。

我便用盡九牛二虎之力全速跑向地點B。

雖然路程不算太遠，但對於我這種不做運動的人，還算蠻吃力的。





當我就快跑到巴士站，我便看見巴士在我旁邊駛過。

原本我以為趕不上已經洩氣減速，但看到巴士之後我再一次加速，那一刻我感覺自己的肺就快要爆炸似的。

幸好這站有其他人上車拖一拖時間，我才能趕上在巴士離開前上車。

上車後，我便在車上尋找思堯的身影。

終於，我在上層最前一排找到了思堯，她看到我擺出很詫異的樣子。





我便走上去坐在她旁邊。

「你……」正當思堯想說話的時候，我舉手示意停下來。

因為我喘氣喘得很厲害，要休息一會。

思堯看到也連忙遞上水樽給我。

我休息一會後，喝下水便把水樽還給思堯。

「唔該。」

「咁你可以同我講你係度做緊咩呢？」思堯問。

「搭巴士。」





「我都知。」

「知你又問？」我開玩笑問。

「你⋯⋯咁為乜唔等下一班車要跑兩個站都要上到呢班車？」

「因為有啲嘢，如果而家唔用盡全力追趕，任由佢白白溜走，到未來除咗後悔就咩都做唔到。」

「例如呢？」

「例如追你囉。」

「追我？」





「梗係追你啦，如果唔係做咩跑咁遠路貪過健康咩。」

「咁辛苦追我做咩啵……」思堯不敢正視我說。

「因為我想同你講，我關心你唔係淨係因為我想搵人依賴我，而係我真係好著緊你，所以我今後都會繼續努力去關心你。」

「係……係咩？」思堯整塊臉紅通通的，像個蘋果很可愛「我知道啦，咁你講完就落車啦。」

「我唔打算落車啵，我要同你坐到去總站，因為此時此刻我淨係想同你係埋一齊。」

「邊個話要同你坐到總站呀？我坐多幾個站就落車啦喎。」

「唔好意思，未到總站之前我都唔打算放手俾你走喎。」我抓住思堯的手笑說。

「傻瓜，呢班車係循環線嚟，都無總站，咁你係咪同我一世係度坐先？」思堯低聲笑說。





「咩話？」

「無野啦，聽唔到算數。」

「一生一世係埋一齊呀嘛，都話直到總站囉⋯⋯人生嘅終點站。」

思堯把頭靠在我的肩膀上，享受剩餘的巴士路程。

「思堯，可唔可以做我女朋友呀？」

「你講咩話？男朋友。」