《憶海》 自從意外之後，我得到咗超能力: 第三部第十一章

「你⋯⋯你想做咩？」我不安地問。

「你唔識洗頭沖涼我幫你沖，真係唔明你點接受到一個禮拜唔沖涼。」思堯從廚房拿來一條圍裙戴在身上。

「吓？」

話音未落，已經有水淋在我的頭上。

思堯不再回應我，專心用溫水慢慢沖洗我的頭髮。





一種久違的感覺從頭髮傳來，將我的精神提升了一點。

我想當時我也實在是身在福中不知福，思堯在學校可是十分受歡迎的女生，年中也有不少男生前來向她表白，有一次我坐在她隔壁就像一個看更看著郵差送信一樣，一封又一封擺在她抽屜裏，黃社也是因為有她才能叫得動社員去參加比賽。

因此得思堯如此關心，可是千千萬萬男生夢寐以求的體驗。

不過，當時的我更本沒有這個心情去感謝上天這個機會。

思堯接著便加了洗頭水在我的頭髮慢慢按摩和搓洗，我倆皆默然不語。





「思堯⋯⋯」我見氣氛有一些尷尬便開口說道。

「你唔想講嘢可以唔使勉強，留返啖氣等你想講嗰陣先講。」

「多謝你⋯⋯」我輕笑說。

搓洗完後，思堯便再開花灑慢慢沖洗我的頭髮。

「搞掂，洗完頭係咪精神啲啦？咁使唔使幫你沖埋涼呀？」思堯沖洗完後便拍拍雙手說道。





「唔使唔使⋯⋯」我連忙說道。

「咁就好啦。」思堯笑說並打開門「咁沖埋涼，洗埋面，剃好鬚先好出嚟同我講嘢。」

當思堯離開洗手間後，我便開始脫下泳褲沖身，可能太久沒有洗澡，不知為何我突然有動力去洗澡。

當我換好衣服，連頭髮也吹好後，我便走出洗手間。

走出廁所，我看見我的房間好像也變整齊了。

「執好間房人都會精神啲。」思堯走過來笑說。

思堯認真打量著我。

「終於有少少似返個人，走啦。」思堯說完便拉著我走。





「有無咁誇張呀？」我苦笑著說「話說咁急去邊度？」

「去到你咪知。」

結果，再一次地，我來到思堯的家。

「你想我做啲咩？我好攰啦。」我嘆氣說。

「你抖左幾日啦啵仲攰？」思堯笑說「唔多，乖乖地坐係梭化就行。」