《憶海》 自從意外之後，我得到咗超能力: 第三部第一章

但是，事情卻不如人願，得到驚喜的反而是我。

第二天，我一邊思量怎樣跟她說我得獎的事，一邊以輕鬆的腳步邁向花店。

但是，當我走到花店前，卻發現……

花店已經倒閉了！

甚麼？！我吃驚地看著空蕩蕩的鋪位……





為甚麼？這麼大的事秋淼應該會通知我才對呀……

「一定要接通電話呀。」我再一次打電話給秋淼心想著。

「嘟……嘟……嘟……」電話卻沒有回應我的期望。

怎……怎麼會這樣？

秋淼，究竟你在哪裡？





我整個人都感到十分慌亂，不知道應該做甚麼。

秋淼的家！此時我腦海中閃過這個選項。

因為之前送過秋淼回家，因此她家地址我還是有一點印象的。

我連忙跑去她所住的花園。

那一座呢？我不太記得了。





我大力拍打自己的腦袋，從自己的記憶庫找出線索。

我記得了！大門走進去，往左一直走，經過花園後第二座便是秋淼所住的大廈。

此刻，我已經變成一隻蠻牛，一直衝去秋淼的居所。

我好像失去理智似的，漠視管理員的詢問，眼中只有通往秋淼家的路，一直跑一直跑。

幾經辛苦，我終於到了秋淼的門前。

眼前的大門跟我記憶中相符，這稍稍令我平靜下來。

「叮咚。」我連忙按下門鈴。

「嚟啦。」一把熟悉活潑的少女聲音從門後響起。





太好了，這可是我晝夜思念，引頸而待的聲音啊！

大門打開了，一個嬌小可愛，亮麗清秀，卻是十分熟悉的身影站在我面前。

「焱煒？」少女詫異地呼喚我的名字「你點解會係度嘅？你幾時返咗嚟啦？」

我沒有回應，只是衝上去把少女緊緊擁抱在懷裡，儘量抱緊那一剎那間實在的感覺。

「呀⋯⋯做咩呀你，好痛呀。」少女被我的衝力撞得失去平衡，我倆雙雙跌倒在地上。

「做咩呀？傻瓜……又係你話只係離開半個月，唔係成世唔返嚟，使唔使掛住我掛到喊晒咁呀？」少女跪起來，把我的頭抱著她的懷裡，用手輕撫著我的頭髮。

依舊是熟悉的薰衣草香味跟和棉花糖一樣柔軟的身體安定了我快要發狂的情緒。





「我打俾你又唔通，花店又執左，我好驚你從此係我嘅世界消失呀，我好驚以後都見唔到你呀！」我完全控制不到自己的眼淚流下來，就像洪水崩堤一樣，回想起來上一次哭也不太記得是多少年前的事了。

「係啵！」少女恍然大悟，馬上放開我，雙手合十低頭道歉說「因為爸爸打算將花店搬去更大嘅地方，所以原本個間就執左，對唔住呀焱煒，我唔記得咗去通知你。」

「呢個咩理由嚟？我唔接受呀。」我眼淚還是止不住嗚咽道。

「對唔住呀……嘻嘻。」少女道歉中途突然笑起來。

「有咩咁好笑呀？」

「因為我好似從來未見過焱煒好似細路仔咁扭計，原來係咁可愛……嘻嘻。」

「搞到我咁仲好意思笑……」我鼓起泡腮嘀咕道

「焱煒乖焱煒乖⋯⋯焱煒你唔好再喊啦，如果你乖唔再喊我俾粒糖你食啦。」她繼續用手輕摸我的頭說道。





「你當我係你咩，淨係識食嘢成個細路仔咁⋯⋯」我沒好氣地說道。

「咩呀，我每次喊個陣媽媽都係咁樣氹返我㗎，況且⋯⋯」少女奸笑道「你而家咁嘅樣無資格話我細路仔呀。」

「⋯⋯」

「哈哈哈哈……駁唔到呢，快啲起返身入去，我地兩個跪係門口，人地都唔知我地係度做緊咩⋯⋯」