《憶海》 自從意外之後，我得到咗超能力: 第二部第十六章

幾天後。

香港國際機場。

「阿仔，一路上要小心啲呀，凍就著多件衫呀，因住冷親呀，有啲咩事記住打翻嚟俾呀媽。」母親擔心地說。

「知啦呀媽。」我笑說「你放心啦。」

我跟母親相擁後便拿著行李到服務台check in。





由於今天還是正常上課天，因此沒有其他人來送機，包括秋淼，不過反正我本來也沒有太多朋友吧。

儘管我以前也試過乘搭飛機，不過第一次孤身出國令我不免也會有緊張的感覺。

轉眼間，我已經辦好離境手續，到達登機大堂，並順利登機了。

「女士們，先生們，歡迎你乘坐XX航空公司由香港飛往南韓嘅航班，本航班編號XXXXX……」飛機上正在廣播。

此時此刻，我心中充滿各種興奮和期待。





飛機緩緩駛進跑道準備啟航。

「再見啦，香港，出發！」我自言自語地說。

飛機漸漸加速，爬上高空前往目的地。

在飛機上隨意看看書，看看電影消磨時間，不一會兒飛機便抵達南韓。

下機後，我便準備入境手續，領取行李。





之後，我便按著信中的指示，拖著行李到協會所準備的酒店。

想不到韓國人英文挺好的，靠著英語溝通我無驚無險乘計程車順利到達酒店。

在酒店準備check in手續時，已經看見酒店內四處都是跟我差不多年紀的年輕人，操著不同的口音，我猜應該也是前來參加比賽的棋手。

上到酒店房，我便一下子跳上床上。

一番舟車勞頓後，實在有點累，需要小休一會。

睡醒後，我先給母親打電話報平安，然後再打電話給秋淼。

「喂，呀媽，我到咗酒店啦。」

「你終於打嚟啦，你咁耐唔打嚟擔心死呀媽啦，點呀個度凍唔凍呀，記住著多件衫費事凍親呀⋯⋯」





「媽⋯⋯其實呢度同香港一樣，都係夏天嚟⋯⋯」我無奈地說。

「咁會有冷氣㗎嘛，仲有呀唔好亂咁周圍行呀，你而家自己一個無人照顧你，記住要自己睇住自己⋯⋯」

老媽嘮叨五分鐘後，才肯掛電話，接著我便打給秋淼。

「喂？」熟悉的聲音從電話中響起。

「喂，係我呀，秋淼。」

「炎煒，你到左啦？」

「係呀，安全到達酒店啦。」





「咁就好啦，比賽要加油呀。」

「唔，不過正因為咁，我可能之後都無太多時間同你傾電話啦，我要認真準備比賽。」我認真地說。

「唔……咁好啦，我下一次聽你電話要聽到你嘅好消息呀。」秋淼也體諒著說。

「放心，一定會。」我自信地說。

之後，再跟秋淼聊多一段時間，便戀戀不捨地掛線。