《憶海》 自從意外之後，我得到咗超能力: 第一部第四十二章

我按著自己腦袋，就像接受了很多資訊一樣，這些片段感覺好不真實，卻有一種熟悉的感覺。

「對唔住呀⋯⋯焱煒。一切都係我做成，係我令你失去一切。」回到現實，已經發現秋淼哭成淚人。

「但係你就係令我搵返一切嘅鎖匙。」我溫柔地摸著她的臉龐說。

「係啵，點解個次意外之後你就無出現過嘅？」我好奇地問。

「因為自從車禍之後，我因為十分自責同傷心，每日都係度喊，所以大家父母都話俾我地分開，避免再一次接觸。」秋淼回想起說。





「原來係咁……」我恍然大悟地說「不過既然過左去，一切都唔再重要啦。」

我托起她的下巴俯視著她的雙眼，她的臉龐鋪上一層淡淡的羞紅色，她的雙眼因為害羞而四處張望。

「做咩呀你……？」秋淼低聲著說。

「我，劉焱煒，願意無論貧窮或富足，順境或逆境，健康或疾病，無論對方之後變成點樣，我都會一生愛你杜秋淼，至死不渝，咁你呢？」

我沒有等待她的回答，再一次把嘴唇印在她的雙唇上，這幾秒整個世界好像停止了轉動了般，我的眼裡只有秋淼一人。





倘若時間永遠停在這一刻我也願意。

「乜你咁霸道㗎⋯⋯人地都未答你就錫落嚟⋯⋯咁我都無得唔應承你啦⋯⋯」秋淼整塊臉紅得像一個蘋果般，十分可愛。

「嘿⋯⋯你就係我成個世界，我梗係要霸道啲啦。」我抱著秋淼興奮地轉圈「你一生一世都無得離開我㗎啦。」

「焱煒，你講啲嘢好骨痺呀⋯⋯」

「係咩⋯⋯」





停頓數秒之後，我倆相視而笑，整個碼頭都滿載著我們的笑聲。