《憶海》 自從意外之後，我得到咗超能力: 第一部第四十章

當我打開眼後，周遭的環境全都變了，沒有維港兩岸的建築物，沒有中環摩天輪，沒有碼頭和海浪，全都變成一個公園。

而我的視野也矮了半截，眼前站著一個小女孩，正在嘻嘻地對著我笑。

「喂呀杜秋淼，唔係而家鍚呀，你都唔跟次序嘅？」旁邊一個小孩投訴說。

「咁人地想鍚火火先呀嘛。」那個小女孩鼓起泡腮說。

「算啦，由得秋淼啦，我地重新開始啦。」我說。

「車，又係佢話要玩結婚遊戲嘅，係得焱煒先忍得佢落，由你做新郎真係啱晒。」那個小孩不滿道。

「好啦好啦我地重新開始啦。」另一個小孩說。

「好。劉焱煒先生，你係咪願意無論貧窮或富足，順境或逆境，健康或⋯⋯呢個字點讀？」一個充當牧師的小孩照著稿說。

「睇吓先⋯⋯哦，係疾病呀。」另一個小孩走過去說。

「哦⋯⋯健康或疾病，無論對方之後變成點樣，你都會一生愛杜秋淼，至死不⋯⋯」

「係至死不渝呀！你有無睇電視㗎，咩字都唔識讀。」小女孩不滿地投訴道。

「啲字咁難邊到會識喎⋯⋯嘿嘿我地重新嚟多次啦，我讀過份兒童版嘅。」牧師奸笑說。

「杜秋淼小姐，你係咪願意無論有無零食食，開心定唔開心，有無玩具玩，你都會一樣咁愛劉焱煒先生，乜嘢都同佢一人一半分享？」

「乜完全唔同㗎⋯⋯唔緊要啦，我願意！」小女孩興奮地說。

「咁劉焱煒先生，你係咪願意無論有無零食食，開心定唔開心，有無玩具玩，你都會一樣咁愛杜秋淼小姐，乜嘢都同佢一人一半分享？」

「唔啦，我都唔鍾意食零食，有啲咩俾晒秋淼得啦，佢最鍾意食野。」我望著小女孩笑說。

「你似係度笑我多啲⋯⋯」小女孩嘀咕著。

「喂認真啲啦，好啦而家請兩位新人交換結婚戒指。」

然後，我和那個小女孩雙雙拿出戒指……糖，然後再交還。

我把戒指糖套上小女孩的手指上，然後我們相視而笑。

之後，我們再次正式接吻，我合上雙眼把嘴唇印在小女孩的唇上，感覺十分柔軟，又有點甜的感覺。

「好野！恭喜晒一對新人。」旁邊的小孩拍掌歡呼道。

再一次開眼，周遭環境恢復，我再一次回來中環碼頭。





剛剛那些是甚麼？

為甚麼那個小女孩也叫杜秋淼？

為甚麼我會不受控制地說話？那種感覺⋯⋯就像在看電影一樣。

難道剛剛那些……就是我六歲前的畫面？