《憶海》 自從意外之後，我得到咗超能力: 第一部第三十五章

「有意思，擋到嘅咪即管試吓擋。」

插班生咬一咬牙，便打算向前衝，懷著要闖過牆壁的氣勢打算晃過對手，怎料他晃過一個後煞停不了，一個勁兒向我的方向撞過來。

我做不出反應，就被他撞飛了。

「嗶。」裁判吹響哨子「帶球撞人，進攻犯規。」

「無事嘛？」隊長伸出手扶起我來「果然俾你講中左。」





其實當時我在耳邊跟隊長說的幾句話就是……

「隊長，當我出場後，林宇航就會變得好獨食，好少再傳波，去到後期就會越明顯，只要守住佢就有機會壓制佢地進攻。」

「真係？我同佢係校隊個時佢最厲害就係千變萬化嘅進攻方式，所以對手永遠都唔知佢會傳定射。」

「信我，佢今場唔會。」

⋯⋯





因此隊長便長期派雙人包夾那個插班生，如我們所料他沒有選擇傳球，結果正中他們下懷。

吹哨子過後，場內球員在完場前再沒有得分。

最後，我們社也沒有像熱血籃球小說裡奇蹟逆轉取得勝利，把得分差距拉近至五分已經是超額完成了。

比賽完結後，插班生向我這邊走過來。

「你表現得好好，實在令我刮目相看。」他伸出手「我睇嚟低估咗你實力。」





我看了一怔，然後也伸出手與他握手。

「根據約定，你係出場時段期間嘅得分高過我，亦即代表我係決鬥輸左，所以我會照你所講放棄杜秋淼。」他爽快說完便離開。

我也想不出甚麼回應，便呆呆地看著他離開。

在更衣室換回校服後，我便準備離開學校。

畢竟我平常很少做運動，這麼龐大的運動量令我已經累透了，既然任務完成當然要儘快回家休息。

可是在學校門外，我看見一個身影。

是秋淼。

「坐低。」秋淼看見我便走向我說。





「吓？」我不解地說。

「我叫你坐低呀！」她再次說。

「哦。」我聽到後便連忙坐在階梯上。

秋淼便蹲在我面前，拿出一些急救物品，並且捲起我的校褲。

「聽講有人曳曳，瞞住我同人地決鬥啵。」秋淼看著我說。

「你點知㗎？」我吃驚地問。

「你個日當眾應承同宇航決鬥咁型，全校都知啦。」秋淼取笑著我說「型到連自己傷左都唔知。」





我看一看自己膝蓋，原來擦傷得挺嚴重，應該是被插班生撞倒時擦傷吧。

「原來係咁……咁你無問我咪無講囉。」

「但係你用我嚟做賭注啵，你都無問過我嘅。」秋淼插著腰裝著憤怒說。

「對唔住囉……鬼叫你最近同佢行得咁埋咩，搞到我咁擔心……」我越說越小聲。

「咩啵有咩好擔心，佢好好人㗎，成日都請我食野，你搞到我以後都無得再食野啦。」秋淼鼓起泡腮說。

「究竟你幾多歲，人地請你食野你就跟人走……」我沒好氣地說。

「我唔理呀，總之你要賠償我嘅損失！」秋淼一邊替我消毒一邊撒嬌著說。

「痛痛痛！拜託輕手啲得唔得？」我哀求著秋淼說。





「哼！知痛啦咩，又唔知人地都會擔心……」秋淼治理完說「搞掂，行得！總之就你唔啱啦，做嘢咁衝動，人地宇航籃球咁勁你唔諗輸咗咁點算㗎咩？」

「係係，咁你想要咩賠償？」

想起，未經她同意下，私自拿她當賭注對她也不太公平吧。

若果輸了的吧⋯⋯這個問題我倒沒想過。

當我們走到花店前，秋淼停下來，轉身望向我。

「係啵，咁其實你擔心啲咩呀？」秋淼好奇地說。

「呃……都唔重要啦……」我尷尬地迴避著。





「有咩好擔心呀……劉焱煒，你好蠢呀！」她捏了我的鼻子一下。

我被她的舉動嚇了一嚇，秋淼跑到花店前，向我揮手道別。

而我則呆呆的摸著鼻子，再原地站了一會。

「或者係啦。」我笑說。