《憶海》 自從意外之後，我得到咗超能力: 第一部第十八章

隨著午息時間推移，越來越多人回來，所以越來越多人圍著我們。

但是，不知是不是女生比較受師弟師妹歡迎，他們多數都是在問秋淼不同的事情，而我只是坐在旁邊聽。

於是，我只好離開在課室裡周圍看一下，看看他們的壁報。

一離開人群，我卻發現有一個小女孩自己坐在一旁看書。

「做咩自己一個人坐係度睇書，無嘢做咩？」我走過去坐在她旁邊。





「無呀，平時都係咁無嘢做。」她回答。

「唔同朋友去玩？」我問。

「我無朋友㗎。」她沈默了一會才說。

接著我跟她聊了一會，發現原來，她小學時性格孤僻，所以經常給人排斥，後來更比朋友集體欺凌，因此不太相信
別人。

  加上，這班1B很多都是一起由幾間小學升上來。





由於她自己是由一間小學升上來，所以沒有什麼熟人，因此她到現在都自己一個人沒有什麼朋友。

「多啲投入吓群體活動啦，同埋放低對人嘅戒心。雖然對妳嚟講可能好難，但係嘗試吓或者會有意想不到的收
穫。」我鼓勵道。「我雖然都唔多朋友，但係我覺得朋友好重要，即使一兩個都好足夠。」

「叮噹叮噹⋯」我見鐘聲響起便打算離開。

「我考慮吓啦，但係啱啱嘅嘢可唔可以唔好同人講呀？」她聽完我說若有所思地說。





「可以呀，但係點解妳會同我講？」我疑惑地問。

「因為⋯⋯唔知點解你哋有種親切嘅感覺。」她應該指我跟秋淼吧。

「係啵。」我突然想起我的任務「我地新生輔導員即將會搞一個中一班際排球比賽，不如你就試吓參加啦。」

她沒有回答我，她思索了一會靦腆的點點頭。

當我找秋淼時，發現她一如以往地被同學蜂擁地圍著。

「仲有呀，其實今次我哋嚟係想同你哋講遲啲會有一個班際排球比賽，所以我哋嚟搵吓一啲有興趣嘅同學去參
加。」秋淼和藹地說，看來她太忘我地與中一同學聊天，忘記了自己的任務。

雖然很多人圍著我們，但是同學的反應不太踴躍。





「妳哋幾個不如試吓玩啦。」秋淼嘗試邀請幾位女同學說。

「唔啦，運動嘅嘢都係交俾男仔去做啦。」她們婉拒道。

「點會呢？運動無分男女㗎嘛，妳哋睇下我哋學校師姐打女排都唔差㗎。」

「但係我哋唔識打排球㗎啵⋯…」

「唔緊要，我同焱煒哥哥會教你哋打㗎啦⋯⋯」秋淼興奮說。

「吓？！」我站在旁邊嚇了一跳。

先不論原來秋淼懂得打排球，突然要我教令我十分驚訝。

我這種不會參加課外活動，放學就立即回家的人有甚麼可能懂得打排球。





「其實我唔識打排球㗎⋯⋯」我低聲跟秋淼說。

「唔緊要，體育堂咪教過囉。」秋淼天真地說。

「咁即係話妳打排球嘅經驗係只限體育堂？」我更驚訝問，雖然我也是差不多。

「係呀。」秋淼點頭說。

我真的給秋淼傻傻的模樣氣得吐血了⋯⋯