《憶海》 自從意外之後，我得到咗超能力: 第一部第十章

 離開學校後，我和秋淼跟昨天一樣一起走路回家。

一路上，我們好像忘記剛才的尷尬與沈默，不停聊天，什麼芝麻綠豆事也會聊一番。

我們更交換了facebook帳號，不過她facebook只有少量的風景相片，沒有什麼近照。

接連幾日，我放學都會與秋淼一起做小禮物。


隨著每天的練習，加上我引以為傲的學習能力，我覺得自己越來越有進步，作品質素越來越高。





小休時。

「痛！」頭部傳來一陣痛楚，我連忙用雙手掩著頭。

「你啪左野呀？同緊你講嘢你做咩係度不斷傻笑呀？」思堯手叉著腰憤怒地說。

沒辦法，我每一天都會期待放學可以跟秋淼共處的時間，每次想到這裡都會會心微笑起來。

這就是⋯戀愛的感覺嗎？





應該還未算是吧。

「無……邊有笑呀，你搵我做咩呀？」

「算啦，白癡都知你笑緊咩啦。」思堯別過頭去說。

「係咩，有咁明顯咩？」我尷尬地問。

「好心你收斂少少，廢事一陣間俾人當變態。」思堯用鄙視的語氣說「嘔心！」然後便走開了。





這天的放學我如常去找秋淼，這件事好像成為我每天的習慣。

但這天，只有少量的小禮物要做，因此我們很快便完成工作。

四時半左右，我們已經做完最後一份小禮物。

「整左咁多日，終於搞掂晒。」秋淼伸一伸懶腰。

「好彩係聽日之前做得曬，如果唔係都唔知送咩俾班F.1。」我呼出一口氣道。

「都係因為你咁慢咋！」秋淼笑著指責我。

「係係，小人罪該萬死。」我亦笑著回應。





「係啵，我哋仲要買一啲零食送俾佢哋，小朋友最鍾意食嘢。」她笑說。

於是，我們便一起到學校對面的商場買小食。

去到超級市場，秋淼像一個小女孩興奮地說：「一於就買朱古力啦。」

「但係，未必個個都鍾意食朱古力，不如每樣買啲俾佢哋自己揀仲好啦。」我就是一個好例子。

「但係人哋鍾意食呀嘛。」秋淼鼓著泡腮嘟嘴說。

「又唔係俾妳食，而家係送俾F.1嘅同學㗎。」我裝著沒好氣說。

「唉⋯」她失望地嘆氣。

「乖啦，最多一陣間我俾個驚喜你啦。」我拍著她的頭笑說。





「真係㗎？」她變得像個小女孩興奮道。

「係呀，就當係預祝我地今年做得好啲，令到班F.1開開心心啦。」我點頭說。