《憶海》 自從意外之後，我得到咗超能力: 第一部第八章

 「嘩！我地一組呀，焱煒！」秋淼興奮地叫道。

「係啵，估唔到我地咁有緣。」我從容地微笑著說。

想不到我説謊的技巧快要到爐火純青的地步，嘿。

「同學快少少返埋位啦。」此時老師的聲音響起。

接下來，負責老師講解大概工作和其他注意事項之後就叫我們解散。





「焱煒呀，不如我哋下個星期五朝早去見佢地啦。」秋淼提議著。

「一於咁話啦，咁我地好唔好買啲禮物送比佢哋做見面禮？」我問道。

「唔，咁我哋星期四放學一齊去買啦。」她認真地說。

會議結束後，我和秋淼一起走出學校門口。

「妳要去邊？」我問。





「我今日要去看鋪呀，所以要行過去花店。」她思索了一會回答。

「係啵，我都唔知你間花店係邊，等我得閑去幫襯你先。」我開玩笑地打探情報。

「我咪係火車站附近個間花店到做囉，我地花店啲花幾香㗎，得閒真係要嚟睇吓！」秋淼興奮地說。

那就奇怪了，那為甚麼上一次在花店沒有看見秋淼呢？那個男人又是誰呢？

「咁既然順路，不如一齊行？」我提議著。





「好呀。」秋淼點頭說。

「係呢，你同思堯明明唔同級點解咁熟嘅？你地點識？」不知道為甚麼我對這有點好奇。

「因為我中二先轉校過嚟，所以班裡面無乜朋友，一開始多數都係自己一個lunchtime出去食飯，但係有一日思堯主動走過嚟問可唔可以同我食飯，跟住我地咪開始傾計，之後就越嚟越熟，好似而家咁。」秋淼認真地回憶著。

想不到思堯竟然會主動去跟一個不認識的人食飯。

「然後就係你嘅出現，成為左我第二個朋友啦。」正當我深思著，秋淼莞爾一笑地說。

在夕陽的映照下，秋淼可愛的臉蛋看得我也臉發燙似的。

就這樣，我們一直聊到去花店。

「我到啦，遲啲見啦拜拜。」她揮手道別。





「再見。」我有點戀戀不捨地說。

她走後，薰衣草的香味久久也未散去，我站一會兒也只好依依不捨回家。