She's out of my life (真人真事!): 提外話2件
其實我話果2件事我諗有入m群ge朋友就會知,但見咁多人想知,就講埋出黎啦
其實第一件事係,我初頭開呢個故,一黎係諗住自己抒發下,二黎係我知erica就算去到英國都一定有上
高登,就諗住藉住呢個故去吸引佢注意,回憶又好,驚我講埋落去都好,目的大多數係想佢會聯洛番我..
咁我得出左個幾星期啦,終於比我知道原來佢真係注意到有呢個post,可惜佢選擇ge唔係搵我傾
我從阿h身上得知erica msn個狀況打左句類似 10%real dosen't mean the story are 100% real
果時我真係嬲到癡線,首先同我預期結果好大出入,2黎我唔明點解初頭只不過係講緊d甜甜密密ge事
都要講到好似我作咁樣,好啦,算,我照打埋落去,反正我msn記錄又係度,邊個唔信我都叫有証據拎出黎講
但後來我又從阿h身上得知,erica竟打長途番黎搵佢身邊一位女性朋友講
話個post入面d野全部都係我亂作,甚至係偷拍佢自己上網FF作故仔黎害佢,叫佢身邊d人千其唔好信
果時我就好嬲,點解你無啦啦走左去都算,依家仲要咁樣黎屈我,老實講我好唔甘心佢係d fd面前講左d唔知
咩,然後個個都當晒我係罪人咁樣,而我又知佢身邊好多fd上高登,所以先想幫自己澄清一下
結果阿h同我講話佢身邊所有fd都話我係on9仔,仆街仔,(講開又講,係我出番黎之後,我有問過erica佢身邊
d fd知唔知佢發生左咁大件事,佢答我知,我就問佢地咩反應,佢身邊ge 朋友竟然問佢
"你做乜要識埋d 讀ive ge人?你發生咩事?",自此之後我覺得有錢人諗野真係不可理喻)
果時我真係好嬲,結果我就一怒之下貼佢無樣ge相出黎,佢班fd睇完之後又話我是但搵d相黎屈erica都得
結果我就嬲到貼一張有樣ge相出黎,結果最後佢班fd照話我仆街仔,但係阿h身上得知,佢班fd對erica好失望
事後我都覺得咁樣做太仆街,我係大概一個鐘後就將果d圖del晒,所以遲追ge你地就睇唔到
咁其實第2件事只係發生係2星期之前
其實事後我都無話真係成日諗住佢,只係會希望佢係果邊過得好咁樣
但我記得12月13果日,我係番學之前本身想約個fd去食lunch,後尾佢聽電話咁我就唯有等一陣再打
咁醒起琴晚夢見erica番左黎香港,而且我地仲係地鐵入面撞見,大家望住大家無野講,起身果陣仲眼濕濕
一個貪得意就打去erica手提,點知竟然通左,果下我即刻嚇到cut左線,我都唔知點解自己會驚起上黎
後來我再鼓起勇氣打多次去諗住聽下佢把聲,可惜可能時差問題啦,佢仲訓緊教
又拎番一直收埋係枕頭底果份禮物出黎睇,結果我就決定一定要將呢份心意送出去
本身諗住寄過去,但又醒起本地根本無人會寄普通私人信比erica,所以佢屋企人一定估到會係我寄黎,咁
大多數都唔會去到erica手上,所以就決定去親手交比佢
咁我係12月16號果日就膽粗粗咁入左馬灣,我記得果陣大概係1點幾,點解我簡呢個時候?
因為佢細老番左學,佢阿爸阿媽都番左工,所以我就算等唔到佢出黎,都應該可以禁門鐘見佢一門同講2句,
之後有個女仔fd(下稱小丸子)都入埋黎馬灣陪我,話怕我出事
咁我見小丸子入左黎,就叫佢禁門鐘扮搵錯人,睇下erica唔會唔出去,可惜禁左3次都無人理
咁我就知理入面一定無人,天氣又咁凍,自己又病緊,總唔可能就咁就走/一直等落去
咁我就好大膽咁自己開門入佢屋企(因為佢地用密碼鎖,而erica之前又比過我自出自入,所以記得)
入到去,好懷念,畢竟都住過半年,最可悲係佢隻狗都認得我,吠吠下都無吠,但佢已經唔理我
好啦,咁緊係入一入佢間房,哇仆街亂撚到,真係亂到呢,小丸子問我佢係唔係女仔黎,周地垃圾
d野亂放,想當年我幫佢汁汁下先無咁亂,估唔到佢去完外國自己住番黎一d改變都無
咁我就決定放份禮物係佢床邊,但小丸子話怕佢同paco一齊番,然後見到問咩黎,到時報警咁就大獲
比佢講2講我都驚,咁我就決定放入佢個白色背包入面,而我都發現佢已經將我送比佢果個鬆池熊公仔
除左落黎,好sad,咁我就再望下周圍,我送比佢果部高達已經唔知收埋左係邊,但我送比佢果個音樂盒就
無郁過,基本上隨左d垃圾,同佢個人之外,乜都無變過,真心體會咩叫"桃花依舊,人面全非"
最後我禁下佢電腦先知道,原來佢fb只係鎖左我同阿h,而且改左fb個e-mail,再較埋無人search到佢
所以比我地2個ge感覺就好似shut down左一樣,唉,愈睇愈傷心,而且份心意都送埋出去,所以我地就走勒
之後我就帶小丸子就去東灘睇下,小丸子問我呢度係唔係就係個post入面講果第一次入黎果度
我答佢係,佢串番我話即係係果個位抽erica水,真係比佢吹脹,一指就指中我地第一次黎坐果個位
個腦真係一瞬間閃好多同erica一齊ge畫面出黎.....然後我地去其中一間餐廳食lunch,想當年成日同erica
食,依家竟然同小丸子食,雖然佢地差唔多一樣咁矮,但緊係完全唔同feel
事後我都好怕erica會講比佢阿爸知,但我見幾日之後都無事,咁我諗佢應該無講比其他人知
我有sms番佢話比左份禮物佢,放左係邊度,所以佢唔會唔知係邊
係呢道多謝佢無報警先啦,如果唔係我都唔會係度出緊文,
另外阿h同我講佢係果個星期5 ge畢業禮見番erica同paco,咁阿h就主動行埋去say hi,可惜阿h話erica理都
唔理佢,只係一路beer住佢,阿h話好失望,而且阿h話erica染左一頭金髮,成個人都瘦左,好似變左第二個人咁
其實我都好想睇下佢依家變成點
