【王道】《我每晚都會發畀阿哥追殺嘅惡夢》: 第四十四章————完全體（完結篇）
「你地聽住，阿輝同露仁夾就係殺雞儆猴，以後你地可以繼續殺人，但只可以喺公平條件之下殺。」Vincent對眾人說：「如果有人唔守規舉，就會同佢地一樣。」
「繼續殺人？我地唔係為咗制止呢樣嘢先毒阿輝咩？」Peter緊張地問。
「阿輝係唔公平咁殺人奪取，如果條件公平，佢地殺人都係靠自己爭取，咁有咩問題？」Vincent解釋。
「.......」其他人無法反駁。
而掠奪團餘黨則議論紛紛，商討著接下來的做法。
一旦嘗過殺人奪物的快感，就再也無法抽離，即使要舔別人鞋底亦心甘情願。
現在雖不能像從前般爽快虐殺，但也只可屈服。
「我覺得咁樣做唔係咁好.....我唔想影響到現實世界...」Peter說。
「你唔通認為現實世界會好過呢度？」Vincent再說：「你認為呢度只係夢世界咁簡單？」
「你明明知呢度係夢，點解你要咁講？」Peter反駁：「夢係夢，現實係現實，快啲清醒啦！」
「你點區分夢同現實？呢度嘅感覺唔真實咩？」Vincent接著說：「嗰個所謂嘅現實世界咁痛苦，倒不如話係地獄，仲有說服力。」
「.......」Peter其實知道，單憑感覺是無法肯定自己在夢或現實，只是靠自己認知去分別。
「莊周夢蝶，夢覺難分，點解唔可以當呢度係我地嘅主要世界？有邊個未受過現實嘅摧殘，你自己都明。」Vincent說。
眾人聽見二人的爭論，心裡都有各自想法，奈何也想起種種在現實的挫折經歷。
「極樂」世界的植物人。
阿淵對夢想鬱鬱不得志。
Hugo對生活的無力感。
Peter的自我標籤，哥哥「死去」帶來的壓力。
還有被世界拒絕的楓.....
「你地....」楓緩緩走近掠奪團人群。
這次他沒有象徵式的憂鬱八字眉，反倒是目無表情。
「去死。」楓嘴裡吐出二字。
一陣極濃厚的黑色霧氣降臨在掠奪團之中，彷如一頭黑色怪物吞噬人類。
嘭—！
黑霧首先流出一口血漿，眾人恐慌逃跑。
嘭—！嘭—！嘭—！嘭—！嘭—！嘭—！嘭—！
但猝不及防，數十人已經被楓給碾爆，整遍地浸著泊泊的鮮血。
比較接近的建築物都被黑霧破壞，Peter等人及時逃開，在遠處看見原本已經被戰火摧殘不堪的城，現在更是面目全非，猶如受到嚴重災害的場景。
RPG城，一片死寂。「佢又係咁....」Peter怔住地說。
「唔可以再畀佢殺落去。」Vincent解釋：「如果喺呢個夢一次殺多過100人...」
「會點...？」
「因為現實突然大量獲唔屬於自己嘅嘢，身體會超出負荷。」Vincent接到說：「最後佢會喺現實死亡。」
這消息震撼了各人，
「我用神通說明書可以證明呢一點，我唔想真係搞出人命。」Vincent說。
「咁仲有咩辦法可以阻止佢，我地之中已經冇人夠佢打！」阿淵說。
Vincent想出了不同的對應付方法，但都一一給自己駁回，阿藍的加速能力已經用完，阿淵的基地已經被摧毀，其他人也無法接近那黑色霧氣。
唯一可以做的只有......「辦法唔係冇，不過....」Vincent看著Peter，沉思一會。
「不過咩？」Peter問。
「要你幫手。」說罷，Vincent把神通說明書交給了Peter。
「.......」Peter接過書本。
一打開，書頁內發出強烈光芒，讓人睜不開眼，Peter逐漸被光芒包圍。
再次打開眼時，已身處於一個異度空間中，眼前有數百，甚至更多，數之不盡的門。
「喺呢度，出面嘅時間係停止。」在這空間中，只有Peter和Vincent這對兄弟。
Peter一臉茫然，手中緊握著說明書，未能作出反應。腦海卻倏然想起黑衣人，因為Hugo曾經同樣被黑衣人帶到一處極多門的空間。
「你....係咪黑衣人.....」Peter結結巴巴地說出。
「你絕對唔係蠢人，應該唔使我解釋啦？」Vincent回話。
明明自己一直都有考慮和推測哥哥就是黑衣人，可是得到真相後，卻是由心未能相信，頓感錯愕。
「本書，其實係屬於你嘅能力。」Vincent說。
「......！」Peter更是訝異。
「其實我係偷咗你嘅能力。」Vincent解釋：「你應該知你係呢個夢嘅伺服器。」
「我知呀...但我完全感覺唔到...」
「咁係因為一部遊戲機，畀人抆咗餅帶，當然玩唔到。」Vincent指著說明書：「而餅帶就係呢本書。」
「......」Peter腦中不停運轉。
「你原本嘅能力，就係全知全能。」Vincent再說：「本書係全知，而你係全能，但冇咗本書，你就發動唔到全能能力。」
「呢個就係我覺醒唔到能力嘅原因....？」
「冇錯。而家攞翻本書嘅你，已經冇人可以贏到，即使係楓。」
「咁點解你要咁做....」Peter還未能接受這個事實。
「你可以救楓條命就只有而家，呢埸戰鬥完咗之後我會同你講清楚一切。」
「.......咁你呢，你會去邊？繼續匿係到？」
「我會去偷楓嘅能力，一來可以制止佢，二來...我知你唔會想殺佢。」
「你諗住點偷？」
「呢度嘅門係分別可以連去共同夢、獨立夢。」Vincent指向橫排，連成一線的門：「我可以去獨立夢到偷佢能力，你就翻去拖住佢時間，因為我地一出門口，時間就會繼續。」
「....好。」Peter也著急救回楓，於是答應Vincent。
「你一出翻去，就會係全知全能嘅你...」
說罷，Vincent便打開連接RPG城的門，讓Peter出去。
Peter踏出門外，有種前所未有的感覺，廣闊而又豐富，清風撲面而來，空氣中的煙火味、血腥味，都是多麼清晰。
自己就好像，好像和這夢境融為一體。
Hugo等人看見Peter突然消失，又再突然出現，手上拿著神通說明書，合上眼攤開手，正在感受著些甚麼。
Peter打開說明書，腦中在那瞬間被有如泉湧的知識塞滿，得到了極多關於夢的資訊，與其說極多，其實已經是全知了。
「我應該可以.....」Peter隨手一揮，用一個透明的巨型防護罩圍住了其他人：「你地離開夢境之前，就留喺呢到，絕對安全。」
Peter可以隨心所欲，把自己想像到的東西使喚出來，他說這是無法破壞的防護罩，那它就是任誰也無法破壞，這就已經是全能了。
「Peter佢....搞咩嚟....」阿藍看到形同陌生的Peter。
「佢...個腦變到同Vincent一樣，我咩都見唔到...」Marla說。
神通說明書中的海量資訊，換在Marla角度當然無法看見，所以只有空白一片的結果。
楓把掠奪團的人都屠殺過後，不斷在亂吼怒叫，身邊仍舊有著大量濃厚黑霧。
「啱啱好100個人。」Peter走近楓的身邊：「殺多個你都冇命。」
楓回頭看著Peter，只見他身上有一層透明薄膜，在那層膜之下，不受黑霧的影響。
「你冷靜到落嚟未？」Peter問楓。
「我一直都好冷靜。」楓口裡這樣說，卻瞋目切齒地盯著Peter，黑霧變得更濃，範圍更廣。
「你知唔知你一晚殺多過100個人，喺現實就會因為負荷唔到而死。」
「咁又點....？我本來就同死人冇分別！」楓抓著Peter的衣領，想直接給他一拳。
但那一拳卻被薄膜完全去卸去了衝擊力，那力道就像水波一樣散開在攻擊點。
「你而家點都傷唔到我。」話音一落，一陣強風吹過，把楓發出的所有黑霧吹散。
Peter現在的感覺，宛如回到那時對付牙俊那般，任憑自己心意去控制所有事。
原來能力在那時已經漸顯，只是未能完全控制。
「你地仲想逼到我點呀....」楓見自己完全對付不了Peter，便抱著頭，兀自跪下痛苦地哭起上來。
這次散發的是綠色煙霧，把地上四周的瓦礫碎片慢慢腐蝕溶解。
「我唔係逼你...」Peter坐在了楓的身旁：「我嘅目的只有一個...」
就是來救你。