【王道】《我每晚都會發畀阿哥追殺嘅惡夢》: 第十章————復仇（Masako篇）

叮！砰！

店門被用力打開，

「喂，你２個同我睇實個門口。再搵個人查下呢到有冇其他出入口。」是一把用地痞說話方式的聲音。


「出面咩事？」Marla想把更衣室的門打開。






「唔好。」

 我制止了Marla。 

「未知出面咩事，貿貿然出去好危險。」


「但係Masako仲係出面...」






「咁都冇辨法，我地出去有埋事嘅話就冇人幫到我地。」


「......」


「我地鎖起道門佢先。」


「仲有後門...」





門出傳來吵鬧聲，

「點呀靚女，今晚得你一個呀？」


「你想點。」這聲音應該是Masako。


「呢到得你，仲會想點？上次有人幫你好威加嘛？」


糟了，他應該是牙俊。






「你唔好匿埋係個櫃後面啦，點都走唔甩架啦。」


「你兩個喺後門走先，快啲幫我報警！ 下午10:36」我的電話震動，是Masako傳來的訊息。


「但係你咪.... 下午10:36」


「你係滿分 下午10:36」


我想她這句話應該只有我能看懂...我看一看Marla，

「Masako叫我地喺後門走先...」






「咁佢呢？唔救佢？」


「佢地咁多人，我出去都做唔到嘢，後門出面又隨時有人捉埋你，起碼我係呢到一定要保護你。」


「......」


「出到去我地再幫Masako報警，呢個係唯一嘅出路...」


外面場面越變緊張，






「你唔好埋嚟呀！」Masako大喊。


「你叫啦，你越叫我越興奮，等我綁撚起你！」


「走開呀！」

我拉著Marla，

 「走啦！再唔走就趕唔切！」






Marla眉頭緊皺，看著那道連接地獄的門，與我在後門逃走了。


我們全速奔跑，直到逃去人影較多的地方， 

「報警，快啲報警！！」


我們帶著警察趕回現場，可是剩下的只有我無窮無盡的內疚感，犯人一早就已經完事逃之夭夭。


那是令我槐疚一生的畫面，Masako披頭散髮，衣衫淩亂，臉上還有一道道的紅印，她褸著毛巾，在警員的陪伴下坐上警車，離開時我連和她對眼的勇氣都沒有。


「點解....對唔住....我咩都做唔到....」

在這灰白的世界裡，餘下我獨自痛哭。


在漆黑一遍的房間中，我坐在床邊反覆責備自己，如果那時我衝出去救她，結局會被改寫嗎？


Masako她的痛苦和淚水絕對不會比我少，為甚麼一個開朗友善的女孩要遭到這種待遇？


為甚麼.....牙俊....一切都是因為那個渣宰，這不是我們的問題。


我一定要狠狠.....向那渣宰復仇....我現實捉不住他，至少在夢中可以。

.............
.......................


「係你啦，牙俊。」


「呢到係咩地方？」牙俊一臉茫然。


「係邊到都唔關你事。」


「又係你條毒撚？」


「你要為你做過嘅事付出代價。」

 我看一看周遭環境， 

「想像力.....」


天色開始變陰沉，風勢漸漸變強，牙俊腳邊開始伸出樹藤，慢慢纏擾在他身上。


「喂，咩嚟架呢啲！走開呀！」


「你唔係好鍾意綁住人架咩？人地叫你走開你有冇走呀？」我聲嘶力竭對他怒吼。


「幻覺嚟啫....嚇我唔到嘅....」牙俊神情變緊張。


「陣間你感受到嘅痛楚就知道係咪幻覺。」我步近牙俊，他的身體被樹藤綁起，動彈不得。


「你唔好行埋....」


啪！

 我一巴掌打在他的臉上。


「我冇叫你講嘢。」 

我看一看手掌，

 「應該可以大力啲。」


啪———！！ 

我再給他一記重力的耳光，牙俊左邊臉被摑得紅腫。


「我需要武器。」


我閉上眼，想像它的形狀，打開眼時手上已經拿著一支棒球棍。


砰——！ 

我用力轟在他的左臂上， 

「首先係左手。」

「再嚟係右手。」

 牙俊的雙手雙腿都被我用棒球棍敲斷，變得血肉模糊。


牙俊痛不欲生，精神散渙，只能發出一些斷斷續續的悲鳴聲。


「你唔係好鍾意折磨人架咩？點呀？被人折磨返有咩感受呀？」

 我把棍揮向他的腹部， 

「答我呀！」「答我呀！」「答我呀！」「答我呀！」 

我不停使力向他攻擊，他的血肉，筋骨，內臟我都能清楚看見。


但我依然未能消除怒火，繼續蹂躪他的屍體，原來復仇是這麼痛快，原來殺戮是這麼痛快。


「哈哈哈哈！我係現實制裁唔到你！但係我可以係夢到不斷將你懲罰！」 

我癲狂似的笑著， 

「呢個夢，係由我話事。」


看著染滿鮮血的雙手，意識開始逐漸抽離。


張開眼，真是一場美夢。


我握一握緊拳頭，發自己比起以住更有力勁，也明顯感受到身上的肌肉變得結實緊緻，這個殺人方法....可以得到他的力量。


得到力量的我，在上學途中昂首闊步，一改本來的毒男氣場。


路上一切彷彿也為我這新身軀慶祝，行人的吵鬧聲，汽車的行駛聲，店舖的買賣聲，就像是一場華麗的交響樂送我上學。


「你今日做咩？」Hugo打斷了我的沉醉。


「我做咩？」


「感覺你....同平時有啲唔同。」


「哈，咁應該係好嗰方面。」我感覺良好。


小息時，我向Hugo透露關於Stephy的情報。


「我幫你同Stephy約咗要切磋排球。」


「吓，咁我咪要學打排球？」Hugo驚訝地說。


「係架，但你為咗佢就諗下啦。」


Hugo打開Instagram，看著Stephy的照片沉思。


「喂！你要追女仔咩？睇過～」Gary一手奪去Hugo的電話。


「畀返我啦！唔關你事！」Hugo欲搶回電話。


「嘩～人地又玩運動又多朋友。」

 Gary一邊閃避一邊查看Stephy的Instagram，

 「你呢啲書蟲點同人襯呀？哈哈！」


「咁都係嘅....我地係兩個世界嘅人...」Hugo喪氣地說。


那Gary又是不顧及別人感受........


「點同人襯？你又知人地有幾鍾意佢？」

 我扯起的Gary的衣領， 

「人地溝女唔關你事呀！！」


「做咩呀，我講下笑啫，又唔係講你同Marla！」


這刻，我的理智線已經斷掉。


我向Gary揮拳，他臉部中拳並倒在地上。


「你係咪痴撚咗線呀！？」他掩著自己的左臉。


「你夠膽就講多次！」我準備上前再揍他一頓，但旁邊的同學把我拉住了。


「Peter！你同我停手！」陳老師趕到現場，直接下令把我立即停課。


我沒有錯，我沒有錯，我沒有錯！


我只是在用我自己的力量去伸張正義，現實就是這樣，制裁不了那些該被制裁的人。


我回到家中，發現Gary退出了whatsapp群組，看來他是選擇和我決裂，這樣就更好，代表我今晚不用留手。


我要繼續，用我的方法去懲戒這些人！我把這股氣敝著，靜靜等待夜幕降臨。


....................
...............................


「今次到你啦，Gary。」

「你喺夢入面見我做咩，我同你冇嘢好講。」Gary說。


「唔係嚟同你傾計。」 

我再次把那些樹藤召喚出來， 

「我係嚟制裁你。」


「你到底發完神經未呀？」Gary煩躁地問。


「錯嗰個係你.....」我控制樹藤爬上Gary身上。


「呢啲係咩嚟？你幾時學識呢啲嘢？」Gary問。


何時學會？


我也不知道，感覺就像是天生擁有，只要我保持這心情，能力就會變強。


「！？」樹藤纏著Gary的口。


「我唔想再聽到你講埋哂啲廢話。」我一腳踹在他的腹部。


「唔知今次會喺你身上得到啲咩呢。」


「你知唔知一個人最痛苦係咩？」 

我抬頭望向天空。 

「係發生咗一啲令你後悔一世嘅事，但你咩都挽救唔到。根本錯嘅就唔係我！錯嘅係你地呢啲人！」


我一拳一拳的打在Gary身上，那些拳擊卻始終填不滿我內心的空缺。


「Peter，收手啦。」出現的人是Hugo和Marla。


「你地....點解會係到？」

 我微微露出笑容，再想像出一支棒球棍，準備對Gary來一記致命攻擊， 

「不過你地係到就啱，可以親眼睇住我制裁佢。」


伏——！


「唔好呀！」

 Marla從後抱著我，

 「唔好一錯再錯，咁樣嘅你唔係Peter….」


「醒下啦！Peter！」Hugo用身體替Gary擋住了攻擊。


「點解....」 

我拼命掙扎，向四周進行無差別攻擊， 

「點解你地要阻住我！！點解你地唔明白我！！！」