（真人真事改編）90後私家偵探故事: （三）真相總是驚人的

 —（三）真相總是驚人的
 
「今晚要一齊食飯？」我和肥仔一起坐車到目的地時，我查看WhatsApp時才發現Katie在WhatsApp問到我，這條信息已經在四五小時前發給我。我們每次行動時，只要目標人物出現後我們便忙到連廁所都沒時間去，更何況是回覆信息呢？就算目標人物還沒出現，我們也不能夠掉以輕心，因為現場環境的變化難以預測。因此，我們要確保視線範圍可以完全清晰的看到出入口位置，否則目標人物離開後我們也沒有察覺到，這樣就會錯過了捕捉目標人物的機會了，這就是我們俗稱的「走雞」了。
 
 
「好啊……今晚八點？」我這樣的回覆Katie，肥仔剛好看到我打手機的內容，她便好奇地問道：「Katie？女朋友啊？ 」
 
「其實係朋友姐。」
「好啦，今晚見啦，傻豬 :3」Katie馬上回覆，而肥仔也馬上看到這條信息。
「好明顯係女朋友啦……講大話……」




正當我繼續極力辯護時，肥仔的電話正當好響起，Gary D致電完肥仔後，肥仔馬上和我一起在旺角下車。原來在旺角同時有一單捉姦的案件進行中，而且需要更加多人手，本來原定在佐敦的工傷案件卻取消了。
 
 
「喂，快D睇黎緊單case d 料先！」肥仔一邊看手機一邊跑步說。
「d 料係邊丫，我未搵到！」
「email 左俾你啦！快Ｄ睇！都係唔好啦你，你cap撚哂target張相認住先！其他我邊行邊講你聽！」
 
目標人物
性別：女性 年齡：28歲
背景：Target與客戶的兒子是維持了二年的情侶關係，而他的財政狀況卻每況愈下，而Target的職業是保險銷售員。懷疑Target有從事其他傳銷行業，擔心她是利用美色引誘他墮入傳銷陷阱，所以客戶委託我們追查Target的底細，特別是她是否從事相關「行業」。




 
 
我們趕到了旺角的帝京酒店，和同事正式會合和分工，我們必定會考察一下該地方的出入口，方便我們日後的監視行動。帝京酒店的結構一共三個出口，大堂出口、升降機大堂和另一個飯堂出口。最直接了解這酒店構造的方法，就是直接進入升降機查看樓層，但是在人手不足的情況下根本無法做到。
 
「雄哥，點解呢單Case黎得咁突然？」肥仔在電話和跟他說話。
 
「無啊，頭先係附近食食下飯就見到個好似Target同個男人入左呢間酒店，我淨係見到側面咋，都有80%似，但真係唔SURE，本來真係想跟上去睇睇，但真係太遠趕唔到，只係知架Lift係16樓、18樓、20樓、22樓、23樓停過……」
 
「肥仔，都叫你跑多D步架啦！」
「車！當時架lift爆哂啦，趕到都冇入唔到……喂，幫我睇左出口未嫁屌你！」雄哥不屑道。




「黑蛇快Ｄ講下呢度出口點，頭先叫左你睇。」
 
「新人？」雄哥好奇道。
「係……多多指教……呢道有三個出口，主要就係升降機大堂。還有的就是酒店大堂，最後就係飯堂的出口。換句話說，必需要有三個人才可以確保守到Target出黎。 」
「仲有呢？」肥仔突然嚴肅道。
「無啦，講完啦。」
「酒店正門唔係有的士站咩？有冇留意到？」肥仔指向正門，再道：「靠你做觀察就死得啦，你無預計過Target一出黎搭的士點算？無呢個預算，萬一到時佢坐的士走，到時你又企左係度啦？」
「sorry……」我只好尷尬的道歉。
 
肥仔訓話後，馬上安排了我們的擺位，雄哥就守住升降機大堂、肥仔就守住酒店的大堂、而我就守住飯堂的出口。經歷了數個小時，已經七時多但是還沒有發現Target的行蹤……
 
「其實……我見到果個Target會唔會唔係……」雄哥開始有點擔心地道。
「佢未出黎姐……你唔好亂諗啦……」肥仔安慰他。
「出啦！見到佢出黎！」雄哥突然興奮的說道
「白色連身裙，黑色手袋，個手袋同Client俾我地張相入面個袋係一樣既。確定係佢！」雄哥接著再道。




「得佢一個？」肥仔問道。
「暫時係，佢後面有個男人同佢距離幾步唔知係咪識既，依家佢地兩個行緊去新世紀廣場方向。」
 
我趕過去見到目標人物，正向著新世紀廣場的升降機步行中。
我跟住了前輩的指示和目標人物一起坐升降機，而剛才前輩提及過的男人也和目標人物一起進入了升降機，只見男方按下了三字樓後，突然從後抱住目標人物和親吻她。而她看似不太願意，她掙脫了男方的擁抱並退後了數步，而男方卻微笑說道：「玩下姐，咁都唔玩得。」
 
目標人物沉思了一會，又再主動投懷送抱到男方身上。
 
「三樓。果個男人佢地識既，佢地本身有攬，不過 Target曾經推開過佢但之後又攬返……」我這樣在WhatsApp 通報情況。
 
他們到達了三樓，進入了名為帝京軒的一間酒樓。基於我已經早就跟他們近距離接觸了，無法再次亮相多一次。只好在門外守候，等到雄哥他們上來。雄哥和肥仔先進入酒樓找位置監視他們的一舉一動。
 
 
目標人物就坐在近門口知客的位置，而我們只能找到距離他們五張桌子遠的位置，`只能在背面看到他們的動作。那時剛好是接近新年的時間，這間酒樓大多都有年糕給客人預先訂購，大多數客都會在門口與知客查詢。
 




我們只見目標人物拿出了一疉疑似文件和男方討論，而男方坐得越來越近。肥仔看到這個情況時，便讓雄哥裝作要買年糕去向知客查詢，但實情是要偷聽他們的對話。同時，我們還與雄哥通住電話，確保我們還可以聽到內容。
 
只見男方想拖住目標人物的手，但是目標人物卻把手縮開。
男方見狀便道：「你仲幫佢頂緊幾多錢啊？你咁樣，我點幫你啊？」
目標人物聽完後，便把坐位貼近男方並道：「其實你只需要係度簽個名就Okay嫁啦……」男方更把手放在她的大腿上撫摸同時又親吻她，又輕聲說道：「咁先乖嘛……」
 
他們完成合約後，二人各自回家。
已經是八時半多，是日的工作已經結束，本來打算鬆一口氣，終於可以回家休息，畢竟走路都走了半天。
 
「我到左啦，你呢？」Katie 在WhatsApp 上問道。
我才驚覺自己原來忘記了和她在八時半有一個晚飯約會，我只好馬上坐車過去沙田會合她，當我坐車坐到沙田站時卻收到她的信息：「我唔食啦，今日我好攰。我返去先……」
 
我一個人坐在吉野家，看住她給我的短信，全都是關於我的工作。即使她知道，得不到我的回應，還是要提住我工作要小心。
 
我只好回覆一句




「晚安。」
 
「嗯:3 明日加油。」她發完這句信息，便馬上下線了。