[穿越] 執房嗰時搵返部Sony Ericsson推蓋手機: 115.
「醒喇，瞓咗好耐喇你。」母親温柔的聲線喚醒了我，房間裡漆黑一片，我身上蓋着被子，手上還握住手機，剛好播放着百年樹木。
對呢，真的回來了，睡醒了還在。
「執完衫太攰嘛，而家幾點啊？」
「六點喇，你都勁喇，我三點幾返嚟已經見你瞓咗，瞓到而家啊你！以為你唔舒服，無事就起身喇，就食飯。」說罷母親轉身離開房間，客廳的燈光透進來，一下子我睜不開雙眼，隔了一會才適應過來。房間的擺設跟中四那年的分別不算大，多了一些明信片掛在床末的牆壁，而卓行送的獎牌卻不見了，「我」藏在哪裡了嗎？
我打開房燈，把目標鎖定在衣櫥旁的組合櫃，各式各樣的雜物放滿櫃子，唯獨最底的櫃子裡，放了一疊信和卡，還有一個長方形盒子——正是裝着獎牌那個。
我把這個櫃子抽出來放在床上，拿出信件逐一翻閱，基本上都是中學同學給我的聖誕卡和生日卡。原來卓行每一年都會寫一張生日卡給我，唯獨中四那年的卡不見了，不就是他放在我locker那張嗎？是「我」收起了那張卡，還是在清理locker的時候意外扔掉了？當然，我不得而知。
他的心意，我還要錯過多少次？心臟好像被甚麼壓住了，沉重得讓人難以呼吸，想哭卻哭不出來。
我只好讀起其他信件，他的字很整齊很美，寫得比我還要好。這是我第一次認真地閱讀他的文字，不是那種觸動人心的千字文，而是用開玩笑的語氣去表達真心。
芯言：
我真係恭喜你啊，又老一歲喇哈哈！
點解今年又係我陪你過㗎？
都無計啦，鬼叫你未有男朋友咩
等多十年八年，應該就有㗎喇
你唔嫌棄嘅，我咪陪到你有男朋友為止囉，哈哈！係咪好好呢我？唔好太感動。最後都循例講返句：生日快樂！
卓行
1/2013
1/2013
芯言：
一年易過又生日，恭喜你又老咗！
生日快樂啊！
有咩生日願望啊今年？
你應該都係想入到大學㗎啦(?)
祝你願望成真，入到心儀學系！
以後我哋就係大學生喇，未必同一間u，但我相信我哋都會一直咁friend！Study leave温書加油喇！
卓行
1/2014
1/2014
芯言：
今年係你入u後嘅第一個生日！
年年都係我陪你，今年有大同陪，威啦？
第日再出嚟同你補慶祝啦，哈哈。
三、四我都Day off，其他日子夜晚都得。
年頭見你去咗旅行已經，有冇手信先？有手信先可以換到生日禮物一份haha
卓行
1/2015
1/2015
芯言：
又係本大爺寫嘅生日卡喇！
一年真係好快過，咁就year 2...
年年我都係講嗰啲，所以今年都唔例外
生日快樂！
日日都要開心幸福咁過啊！
等你去完交流團返嚟再請你食生日飯
你想食咩都得！
卓行
1/2016
1/2016
看過幾遍後，總覺得有點奇怪，卻又說不出哪裡怪。所以我先放下信件，拿起裝着獎牌的盒子，打開一看，銅牌放在一張size跟盒子不太相配的藍色卡紙上。我拿起它，並嘗試翻開卡紙，竟然有一張對摺了的正方形便條藏在底下。
如果你睇到呢張紙，我就講個秘密比你知，sms我啦。
甚麼？