[穿越] 執房嗰時搵返部Sony Ericsson推蓋手機: 71.

「晨早流流嘈醒我做乜...」

「仲早？十一點喇！你喺廁所掛住嗰條頸巾，咪你之前織嗰條，唔係送比朋友咩你話？又拎返嚟做咩？」

「咩啊？咩頸巾啊？唔係我㗎...」

我把頭埋在被窩裡，頓時溫暖了許多。

「莊芯言！醒喇！」





母親一手掀開我的被子，冷空氣一下子和我的身體來個緊密的接觸，我嘗試搶回被子，手卻抓空了，只好不情不願的睜開眼，母親居高臨下，一副不滿的樣子。

「醒晒喇！一朝早問我咩啊又？」

「廁所條頸巾啊，你之前織嗰條，又拎返嚟做乜？」

「我織嘅？」

「自己織完都唔記得啊？織到穿晒窿又唔比人幫手。」





「喔...係啊，我送咗啦...不過唔小心整污糟咗咪幫我嗰friend洗返...」

「我幫你拎返出廳曬喇，乾咗就快啲拎返比人，唔好又放喺到放到唔知幾時。」

「得喇，過幾日會見到佢。」

「攤多三個字好喇，煮咗早餐。」

我整個人捲曲在被子裡，睡意全消，腦中只想着剛才母親說的話。如果圍巾是我送給卓行的話，他豈不是發現了我的異樣？怎會有人忘了自己送給別人的禮物，還要是親手織的東西。但最可疑的是，卓行的反應是如此冷靜，正常情況下不是應該追問我為甚麼忘記了嗎？後來還懂得跟我開玩笑，配合我，到底他知道些甚麼？





這下子倒是尷尬了，我應該繼續裝着不知道，還是親口揭開真相？看樣子，他似乎知道我有難言之隱，才若無其事的輕輕帶過，我還是不要辜負他的心意吧...

我把被子抓得更緊，希望它能把我永遠活埋，在滿腦子混亂的思緒中，一把悅耳的聲音響起——

一個好重要嘅人。

到底我有多重要，他才願意用苦笑遮掩真相？

「莊心言！好出嚟喇！」

母親的叫聲把我拉回現實，我徐徐走出房間，掛在窗前的圍巾竟是如此刺眼，陽光從小孔透出來，我怎麼能織成這樣呢？我怎麼能這樣呢？

我存在於這個空間的意義何在？感覺這一次，我會把事情弄得很糟。

「過嚟食嘢啦，瞓到咁晏都仲係咁嘅樣，點溫書啊。」





「依家先十點九咋，成日報大數...」

「咪就十一點囉，你啊假期都唔準瞓咁晏㗎，又話高中要發奮考大學，仲咁懶洋洋點得。」

「得喇，我一陣就出去溫書。」

母親滿意地點頭，我卻一臉愁容。原來能活多一次，煩惱並不會減少，不會提早知道問題的答案，人生任我怎樣走也是全新的。

吃過早餐，我收拾了一些課本和練習，打算到starbucks坐上一個下午複習。既然人生的難題未能解開，就先嘗試解開教科書上的練習題吧。