[真人真事][校園][純愛]《兩個我加一個妳》: 第一百零二章

跟住嗰個禮拜返到學校

我終於記得拎支用完嘅柔順劑俾佢

我:「嗱我就用呢支嘅 」

芊靈:「你咩啫根本就係你媽咪用咋嘛 」

我:「屌你啦玩踢爆 」



芊靈:「哦原來就係呢支

今次叻仔喎真係記得喎 」

我:「唔好摸我個頭呀 」

芊靈:「手手 」

我:「有得掂你幼嫩嘅肌膚



做狗有咩所謂 」

芊靈:「你真係呢

講得好核突呀 」

我:「我有講錯咩 」

芊靈:「總之由你把口講出嚟就特別核突啦 」



我:「痴線嘅你都 」

芊靈:「係喎

今個禮拜你記得做咩架係咪呀 」

我:「交換禮物丫嘛

買撚咗啦 」

芊靈:「真係呀咁快 」

我:「梗係啦不嬲效率派 」

芊靈:「你係效率派



唔係呀話 」

我:「點會唔係

傻嘅 」

芊靈:「淨係呢支野呀都講咗成半個月 」

我:「咁啱啫

唔好講我住你買咗未 」

芊靈:「總之禮拜五會有啦



你放心喎我唔會咁衰架喎 」

我:「點知你會唔會臨時扮唔記得 」

芊靈:「痴線又喺醜化我

唔好以為咁細聲講個扮字我聽唔到呀 」

我:「屌 」

芊靈:「不過估唔到咁快就一年

係喎你記唔記得以前我寫俾你嗰啲聖誕咭同埋生日咭 」

我:「其實呢依家重係11月嘅啫



有排都未到聖誕嘅

更加未去到我生日

我就唔知點解你快咗咁多 」

芊靈:「講定先係咪唔得呀

下 」

我:「得梗係得啦 」

芊靈:「咁你記唔記得啫 」



我:「好似有件咁嘅事 」

芊靈:「即係你都唔肯定啦係咪呀 」

我:「肯定係呀我一定冇記錯

頭先諗緊咪講得保守啲囉

無啦啦做乜講張咭 」

芊靈:「冇以為你唔記得咗啫

有冇拎嚟睇呀

雖然我都知你冇架喇

抑或你已經揼咗 」

我:「揼就冇揼不過冇拎嚟睇喎

無啦啦做乜拎嚟睇 」

芊靈:「冇……諗住你咩……咋嘛 」

我:「你講乜撚呀 」

芊靈:「總之得閒拎嚟睇啦 」

我:「好呀好呀 」

芊靈:「不過多數你返到屋企都唔記得咗架喇 」

我:「其實你有時真係好撚了解我嘅啫 」

芊靈俾咗個似笑非笑嘅樣我

芊靈:「um 」

唔講咁多廢話直接去講交換禮物嗰日

話說嗰日我地上到巴士安頓好之後

就開始交換

芊靈:「其實你係咪真係有買架 」

我:「有呀喺度呀 」

芊靈:「好啦信你一次咁多啦 」

我:「你係應該每次都要信我 」

芊靈:「知唔知我買咗咩俾你呀 」

我:「我一定識讀心啦

唔係點會知呀 」

芊靈:「估下啦 」

我:「食得架 」

芊靈:「唔知你喎不過我唔會食囉 」

我:「即係唔食得啦 」

芊靈:「你當係啦 」

我:「係咪嗰啲濕鳩裝飾品 」

芊靈:「梗係唔係啦你點會鍾意啫

繼續估 」

我:「屌有冇貼士呀 」

芊靈:「衫嚟架 」

我:「你嗰次唔係送咗件衫俾我咩 」

芊靈:「再送一次得唔得呀

兩件衫唔同架 」

我:「出街衫 」

芊靈:「你會喺屋企以外嘅地方著

不過唔知出街會唔會著喎 」

我:「好撚難

唔撚估呀放棄呀 」

芊靈:「登登 」

跟住佢無啦啦拎咗件利物浦波衫出嚟

唔係講笑嗰下我又變咗樹熊

芊靈:「你咁嘅樣嘅

唔係我買錯丫嘛 」

我:「冇

有啲意外啫

點解你會咁撚醒買利物浦 」

芊靈:「首先我不嬲都咁醒

第二就梗係問人啦叻仔 」

我:「邊q個 」

芊靈:「呀宏囉

我問佢你鍾意邊隊

跟住佢講咗俾我聽，

重帶埋我去印字添

michelle都買咗件不過係佢自己著 」

我:「印字

印咩呀 」

跟住佢即刻俾件波衫嘅背面我睇

見到

「YCL

00」，

大家有踢開波應該知係咩事啦

咁就唔解釋咁多

我:「點解係00呢

好似冇球員著呢個number架 」

芊靈:「球員點著係球員嘅事

我送俾你係我同你嘅事

明唔明 」

我:「跟住呢

斷估你唔係貪平掛

定係俾人當水魚 」

芊靈:「你就係水魚

又係你講嘅

兩個你加一個我就係1001

咁樣一千零一中間嗰兩個字咪就係00囉

死人頭咁都唔知有冇搞錯呀 」

唔係講笑嗰刻真係好驚訝

真係估唔到佢會記得呢啲咁戇鳩嘅iq題，

我以為得我一個咁無聊記埋啲死人野

我:「好撚感動竟然記得我啲戇鳩iq題

咁樣YCL又點解呢

CL我就知啫，

你又唔係姓楊又唔係姓容

即係唔係你個名啦 」

芊靈:「你真係好蠢呀死人頭

冇得救

傻仔低能仔咁都唔知 」

我:「屌你唔使咁樣呀

都係唔知啫

如果你話你係姓楊又或者姓容

咁就簡單好多

快啲講啦 」

芊靈:「唔講呀死人頭你自己估啦

總之你估到嗰陣，

你唔使同我講我都知你估到架喇 」

我:「真係好撚難 」