[真人真事][校園][純愛]《兩個我加一個妳》: 第九十一章

承接返上回講到邊度先

話說嗰陣我一接到個波

即刻左望右望

見到冇隊友喺隔離

就即刻向前



當時對面大約有三個人喺度防守

我一拎完波即刻扭咗一個

跟住當然用速度爆開

好彩小弟都叫做係一隻跑狗

死跑爛跑之下總算過咗第二個



呢個時候當然淨返一個

其實嗰陣我個腦就轉唔到

但係我好清楚，

無論你個腦點樣停都好，

對腳係一定唔可以停



最後一個防守球員如果計我踢咗成場嚟觀察

應該係對面後防咁多個入面最守得嗰一個

所以嗰陣我就一路向側邊爆

同時拉開空位

等隊友可以喺中間插上嚟

我嗰陣見到Cyrus，呀宏，重有另一個都係打攻擊位置嘅隊友

都一路衝緊上嚟

咁我就慢慢拖入到禁區



跟住一球傳中搏運氣

頂中就贏頂唔中就和咁樣

好死唔死，

嗰陣負責mark我嗰個防守球員好撚高大

我要出波的話就一定要扭開佢

如果唔係都係嘥氣

再加上自己都係偏向鍾意扭波



所以去到嗰刻都係決定扭開佢再傳

喺度拖咗一陣我終於入咗禁區

入到去我當然係插花

諗住扭開佢啦，

跟住我見到佢隻腳有動作

無啦啦伸咗出嚟

靈機一觸之下我諗到我應該要做乜

插完花之後



我將個波個方向移去佢伸出嚟嗰隻腳嗰邊

跟住我個人就當然都係向住嗰個方向啦

然之後大力推開個波

跟住自己隻腳就特登踢落去佢隻腳到

呢個時候就係關鍵

點解

因為我一定要大聲叫



唔大聲叫邊度顯得嗰個嚴重性

所以當我踢中之後就即刻大叫

然之後就仆街

跟住再碌地

但係又唔可以咁多下喎

碌咁多下盲嘅都知係做戲

所以我嗰陣碌咗兩下，

我記得我係膊頭落地先

跟住就碌多下等我個樣係貼住地下

其他人見唔到

呢個時候我當然就係要摸住我被人踢咗嗰隻腳啦

千祈唔可以摸錯喎，

如果唔係又係前功盡廢

正當我個樣貼住地下，

漆黑一片嗰陣，

我就聽到哨子聲同埋腳步聲

所有人千軍萬馬咁樣嚟緊

呢個時候我當然繼續喺地下啦

跟住聽到踢我嗰個人(以下就叫佢做茅柴)同球證講

茅柴:「插水呀

邊有可能跌低 」

跟住佢啲隊友就話:「係囉自己踢落去嘅 」

好彩我班隊友都好戲

特別係讀緊中七嗰個隊長

雙手合十咁樣同球證講

隊長:「球證禁區剷人唔係冇12碼呱

重要對面踢唔中個波 」

茅柴:「你講乜撚野呀

係條撚樣自己踢落去 」

隊長:「大家以事論事啫咁粗魯做乜 」

茅柴:「你老母講乜撚野呀

踢波唔粗魯踢乜撚野波

屌球證你唔係咁撚樣都比12碼係咪呀 」

跟住球證真係直指12碼點

對面隊梗係喺度嘈啦

茅柴:「戇鳩球證睇清楚啦

真係佢隻腳自己掂埋嚟

關我撚事咩 」

跟住球證真係俾張紅牌佢

嗰下佢真係好似想衝埋去兇球證

不過被隊友控制住

對面隊長:「冷靜啲冷靜啲12碼唔一定輸

忍住忍住唔好衝動 」

茅柴:「有得唔衝動咩咁都俾12碼

真係戇鳩鳩重要紅牌 」

呢個時候我當然係企起身

對住對面嗰個茅柴，

展示一個會心微笑

當然個口冇講野

因為球證重喺附近

茅柴:「插水狗收皮啦 」

佢啲隊友:「仆你個街賤撚到

含撚啦返去咪撚踢波 」

呢個時候我當然係繼續微笑

傻嘅點會咁衝動行埋去打佢

依家我地12碼喎

呢個時候梗係俾隊長射，

我好想射但係承受唔起壓力

所以都係喺隔離食花生算。