[真人真事][校園][純愛]《兩個我加一個妳》: 第五十四章
跟住落嚟都冇特別野發生
都係好似之前咁
食飯同芊靈一齊食
放咗學之後佢就喺我門口等
跟住一齊搭巴士走人
係有時大家真係有啲緊要野做，
咁樣先唔會一齊搭巴士
我知你地會問，
乜你地唔使操卷嘅咩
中五學生日日可以準時走
的而且確今年真係好少準時走
我估唔到嘅係好多個都主動留低
重以為全部掛住返屋企打機
唔想留喺學校
而通常呢個時候
唔知點解我同芊靈，
兩個都會不約而同等埋大家
如果今日大家都遲走，
咁就最好啦唔使夾硬等
但係如果佢準時而我就要喺學校留多一陣的話
佢就會去學校個圖書館溫書操卷
等我搞掂晒就去圖書館搵佢
反之亦然
最記得有次問佢點解咁樣做，
我話真係唔使夾硬等
點知佢話喺學校溫書冇咁多引誘
起碼隔離唔會有一部電腦喺度先
又唔會掛住食野唔溫書
叫我唔好諗咁多喎
完全唔係想等我
我心諗咁撚串
所以跟住就依佢所言，
真係冇諗咁多喇
當然啦，
每次我入到去圖書館都會俾一條能得利佢
事關佢好鍾意食能得利
提子味嗰隻
我每日就係叫Cyrus出去食飯嗰陣，
順便幫我買埋
原本我以為條撚樣會收我運費
點知佢竟然冇
絕對係一個值得合作嘅夥伴
於是就叫佢每逢我地班留堂操卷嗰陣去買
因為通常都係當日小息就會知道放學需唔需要留低
我留低即係佢會喺圖書館溫書啦
呢個先係真正原因，
如果日日買嘅話乜都厭啦屌
每次都係扮晒野
跟住佢就懶醒咁樣以為我想偷食
重威脅我如果唔俾佢就告發我喺圖書館偷食
之後我就會死死氣俾佢
每一次都扮晒野話下次偷食得醒目啲
跟住每一次都特登俾佢發現
再特登扮驚，
呢啲劇本成日都出現
好彩我自問我呢個演員都算稱職
絕對冇俾佢懷疑過，
咁已經覺得唔錯架喇
當然啦，
如果喺圖書館食糖
唔可以咁張揚架嘛
之不過喺行人路上面食嘅話就完全唔同
會玩下啲無聊野
我:「有冇玩過一樣野
呢排好hit
」芊靈:「玩過咩呀
」我:「餵人食糖囉
」芊靈:「真定假呀點解冇聽過嘅
」我心諗梗係鳩吹啦
但係我冇理由咁樣講架嘛，
咪求其鳩噏囉
我:「好hit喎
你邊度鄉下呀
」芊靈:「你邊度鄉下呀
冇聽過喎
」我:「咩呀佢話如果大家都餵到大家，
而自己隻手掂唔到對方個嘴
咁樣就會升溫丫嘛
我知你好想架喇
」芊靈:「唔係喎我唔係好想咋喎
」我:「咁你當我好想囉
娘娘好唔好啫
」芊靈:「痴線俾人聽到以為我真係收兵
就同你玩下
你餵我先
」其實今次唔係第一次餵佢食野
所以你問我有冇手震就真係冇
但係唔知點解我好鍾意同佢玩呢一種互動
又或者調返轉咁樣問，
有邊個唔鍾意丫
芊靈:「餵得幾好喎
講
係咪成日出去餵女仔
」我:「梗係啦唔通我高天份一餵就得咩
」芊靈:「餵邊個呀
講嚟聽下我識唔識
」我:「你識佢架
」芊靈:「真係呀邊個嚟架
等我睇下邊個女仔咁唔好彩
」我:「頂你講到我好衰啫
咩叫唔好彩呀
」芊靈:「快啲講嚟聽下啦
」我:「點解你好似好想知咁樣嘅
」芊靈:「冇
咪講咗睇下邊個女仔咁唔好彩
」我:「收皮啦
個女仔都係中五架
」芊靈:「竟然同級
邊班呀
」我:「5b囉
」芊靈:「咪即係同我同一班
咁樣我實知啦
」我:「講咗你一定知
」芊靈:「姓乜野
」我:「唔得喎一講就知
」芊靈:「有咩特徵丫
」我:「眼大白淨斜陰
」芊靈:「Queenie
」」我:「唔係啦識佢老鼠咩
」芊靈:「下我覺得佢好靚喎
重以為你咁叻仔溝到佢添
」我:「我講嗰個靚過佢架
」芊靈:「詠琳
」我:「都唔係啦屌
」芊靈:「一時醒唔起重有邊個斜陰又眼大重要白淨喎
」我:「搞錯呀根本就係你自己冇帶個腦出街
重要成日話人
」芊靈:「你啲貼士咁渣
點樣估呀
有冇啲有突破性架
」我:「有
」芊靈:「咁就講啦
」我:「嗰個女仔有養狗嘅
好鍾意帶隻狗去散步重要搵埋我一齊去
搭巴士坐嚟坐去都係同一個位
重要成日偷笑唔認
」芊靈:「係咩有呢個人咩我唔知喎
」跟住我就笑笑口望住佢講
我:「你知嘅
」芊靈:「唔知呀唔知呀唔知呀
」跟住佢又急步行前走咗去，
我:「頂你到你餵我呀
」芊靈:「食自己啦無聊鬼
等我重以為唔知邊個添
」我:「話咗你實知佢係邊個啦
佢咪就係咁唔好彩嗰個囉
」芊靈:「係囉佢都有同我講過真係唔好彩
」我:「低b
」芊靈:「低b得過你
玩埋啲咁嘅野
」我:「又偷笑
」芊靈:「冇呀你睇錯喇
」我:「你笑嗰陣隻眼識講野咁樣架
點會睇錯
」芊靈:「死火喇你有幻覺呀
壹仔不如帶你去睇醫生
」我:「唔緊要呀預咗你唔會認
」芊靈:「嘻嘻
」